ҶИНОЯТ ВА ҶАЗО. Ба гумонбарони ҷанги гурӯҳӣ 12 соли маҳрум шудан аз озодӣ таҳдид мекунад
ДУШАНБЕ, 06.06.2018. /АМИТ «Ховар»/. Гумонбарони ҷинояте, ки 29 майи соли равон дар кӯчаи Бобоҷон Ғафурови ноҳияи Синои пойтахт байни ду гурӯҳи ҷавонон ба вуқӯъ пайвасту бо ҷароҳат бардоштани яке аз иштирокчиёни он анҷомид, зимни бурдани корҳои фаврӣ-ҷустуҷӯӣ аз ҷониби кормандони милитсия дастгир карда шуданд.
Тавре аз Раёсати Вазорати корҳои дохилӣ дар шаҳри Душанбе ба мухбири АМИТ «Ховар» хабар доданд, дар натиҷаи гузаронидани маҷмӯи корҳои фаврӣ- ҷустуҷӯӣ муайян карда шуд, ки аз ду ҷониб шаҳрвандон Ғоибов К. А., соли таваллудаш 2000, истиқоматкунандаи кӯчаи Б. Ғафурови ноҳияи Сино, Аюбов Э.М., соли таваллудаш 1997, истиқоматкунандаи кӯчаи А. Ғуломов, аз ҷониби дигар шаҳрвандон Ахмедов Д. С., соли таваллудаш 1997, истиқоматкунандаи кӯчаи Б. Ғафуров, Шарипов Ф.С., соли таваллудаш 1997, истиқоматкунандаи кӯчаи Рӯдакии ноҳияи И. Сомонӣ бо маслиҳати пешакӣ байни ҳам муноқишаро тарҳрезӣ ва ташкил намуда, даст ба кирдорҳои зиддиҷамъиятӣ задаанд.
Тибқи маълумоти тафтишоти пешакӣ, муноқишаи мазкур дар заминаи нофаҳмиҳои лафзӣ миёни Кишвар Ғоибов ва Дамир Ахмедов сар зада, баъдан аз ду ҷониб номбурдагон бо даъват намудани рафиқонашон бо ҳамдигар муноқиша намудаанд. Сипас ҳангоми муноқиша Кишвар Ғоибов бо корд мусаллаҳ шуда, ба қафаси синаи Фирдавс Шарипов як маротиба зада, ҳамроҳи ҳаммаслакаш аз ҷои ҳодиса фирор мекунад.
Дар ҳамин ҳолат Фирдавс Шарипов бо бардоштани ҷароҳати вазнин ба саломатияш дар беморхона бистарӣ карда шуда, айни ҳол таҳти назорати духтурон қарор дорад.
Баъди ҳамагӣ 1 рӯзи содир гардидани ҷинояти мазкур дар доираи чорабиниҳои фаврӣ-ҷустуҷӯӣ гумонбарон дастгир карда шуда, нисбаташон бо моддаи 110 қисми 2 (қасдан расонидани зарари вазнин ба саломатӣ) ва 237 қисми 3 (авбошӣ) Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, дар ҳабси пешакӣ қарор доранд. Акнун тибқи муқаррароти ин ду моддаи Кодекси ҷиноятӣ ба ҷавонони дастгиршуда то 12 соли маҳрум шудан аз озодӣ таҳдид мекунад.
Аз ин рӯ, роҳбарияти мақомоти милитсияи шаҳри Душанбе аз кулли падарону модарон ва шаҳрвандон эҳтиромона хоҳиш менамояд, ки дар вақтҳои берун аз таҳсил, махсусан дар вақти шабона рафтору кирдори фарзандони худро зери назорат қарор дода, дар пешгирии муноқишаҳои гурӯҳӣ саҳми худро дареғ надоранд.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
