“МАРҲАБО БА СУҒДИ БОСТОН!”. Таҳти ин унвон дар шимоли мамлакат Фестивали сайёҳӣ оғоз гардид
ДУШАНБЕ, 28.06.2018 /АМИТ «Ховар»/. Субҳи имрӯз иштирокдорони Фестивали минтақавии сайёҳии “Марҳабо ба Суғди бостон” аз шаҳри Душанбе озими вилояти Суғд шуданд. Дар ин бора ба АМИТ “Ховар” аз Кумитаи рушди сайёҳӣ хабар доданд.
Бо ташаббуси Кумитаи рушди сайёҳии назди Ҳукумати Ҷумҳурии Тоҷикистон ва таҳти сарпарастии Президенти Федератсияи футболи Тоҷикистон Рустами Эмомалӣ бахшида ба Соли рушди сайёҳӣ ва ҳунарҳои мардумӣ дар вилояти Суғд аз 28 июн то 2 июли соли 2018 Фестивали фарҳангиву сайёҳии “Марҳабо ба Суғди бостон” баргузор мегардад.
Дар Фестивали минтақавии сайёҳии “Марҳабо ба Суғди бостон” намояндагон аз ҳама минтақаҳои ҷумҳурӣ ҷалб гардидаанд ва субҳи имрӯз аз шаҳри Душанбе озими вилояти Суғд шуданд.
Тибқи нақшаи фестивал, иштирокчиён тайи 4 рӯз аз мавзеъҳои таърихию фарҳангӣ ва минтақаҳои сайёҳии вилояти Суғд дидан намуда, дар барномаи калони фарҳангию ҳунарӣ ва намоиши ҳунарҳои мардумӣ, Форум ва Намоишгоҳи байналмилалӣ дар шаҳри Исфара ширкат меварзанд.
Ҳадафи фестивали мазкур рушди сайёҳии дохилӣ, таҳкими дӯстӣ миёни сокинони манотиқи мухталифи кишвар ва муаррифии захираҳои сайёҳию ҳунарҳои мардумӣ ба шумор меравад.
РУШДИ САЙЁҲИИ ГАСТРОНОМӢ ДАР ТОҶИКИСТОН. Ҷаҳонгардон бо таомҳои миллии тоҷикӣ шинос мешаванд
«DUSHANBE NAVRUZ FEST». Дар Душанбе чорабинии фарҳангӣ-фароғатӣ баргузор мешавад
РАШТОНЗАМИН. Кӯҳистони ин минтақа макони беназири сайёҳии экологӣ, кӯҳнавардӣ ва рафтинг аст
Маҷмааи «Қалъаи Хуҷанд» маркази муаррифии таъриху фарҳанги халқи тоҷик мебошад
Тоҷикистон ва Узбекистон ҳамкориро дар соҳаи сайёҳӣ тақвият мебахшанд
Тақрибан 2,8 миллион шаҳрвандони Тоҷикистон аз Узбекистон боздид карданд
САЙЁҲИИ КӮҲНАВАРДӢ. Тоҷикистон яке аз маконҳои ҷолиб дар ҷаҳон барои кӯҳнавардӣ аст
Душанбе мизбони Форуми байналмилалии «Ҳамкорӣ ба хотири рушди устувор: Сабз. Рақамӣ. Ҳушманд» мегардад
РУШДИ САЙЁҲӢ. Беш аз 38 ҳазор сайёҳони хориҷӣ минтақаи Кӯлобро тамошо намуданд
Рӯзноманигорони Қирғизистон бо инфрасохтори муосири Донишгоҳи байналмилалии сайёҳӣ ва соҳибкории Тоҷикистон шинос гардиданд
ҶАҲОНГАРДИРО АЗ ВАТАНГАРДӢ ОҒОЗ НАМО! Ҳизби Халқии Демократии Тоҷикистон иқдоми сайёҳӣ баргузор намуд
Қатораи байналмилалии сайёҳии «Роҳи Абрешим» бо ҳайати сайёҳон ба Душанбе омад
