Ҳайати раёсати аудити миллии Чин аз Парлумони Тоҷикистон боздид намуд

Июль 2, 2018 14:50

ДУШАНБЕ, 02.07. 2018/АМИТ «Ховар»/. Дар  зарфи 25 соли барқароршавии муносибатҳои дипломатии Тоҷикистону Чин бо талошҳои муштарак ҳамгироии байнидавлатӣ дар соҳаҳои сиёсӣ, иқтисодӣ ва иҷтимоӣ густариш ёфта, сатҳу зинаҳои беҳтар касб  карданд. Матлаби мазкур дар мулоқоти муовини якуми Раиси Маҷлиси намояндагони Маҷлиси Олии Ҷумҳурии Тоҷикистон Абдуҷаббор Азизӣ бо аудитори генералии раёсати аудити миллии Ҷумҳурии Мардумии Чин Хю Зе Чун 2 июл дар Душанбе баён гардид.

Дар мулоқот ҳамзамон масъалаҳои марбут ба таҳкими робитаҳои байнипарлумонии Тоҷикистону Чин матраҳ гардиданд. Зикр шуд, ки натиҷаи сафари Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки чанде пеш ба  Ҷумҳурии Мардумии Чин сурат гирифт,  ба раванди муносиботи дуҷонибаи дӯстона, рушди ҳамкории қарордодиву ҳуқуқӣ ва шарикии стратегии кишварҳоямон такони тоза бахшид.

Таъкид шуд, ки  дар Ҷумҳурии Тоҷикистон дастгириҳои беғаразонаи Ҳукумати Чинро дар заминаи тақвият ва рушди иқтисоди миллӣ қадр мекунанд, аз ин ҷост, ки миёни шарикони муҳими тиҷоратии Тоҷикистон Чин ҳамоно дар мақоми аввал қарор дорад ва дар заминаи ҷалби сармоягузории соҳаи саноат дар иқтисоди Тоҷикистон ҳамчун сармоягузори бузург ҳисобида мешавад.

Зикр шуд, ки ҷараёни корҳои ҳавасмандгардонӣ барои ҷалби бештари ширкатҳои чинӣ ба Ҷумҳурии Тоҷикистон идома меёбад.

Дар мулоқот баён гардид, ки  дар 112 муассисаи олии таълимии Чин беш аз ду  ҳазор донишҷӯёни тоҷик таҳсил менамоянд. Соли 2016 Чин барои барои донишҷӯёни Ҷумҳурии Тоҷикистон 298 бурсия ҷудо намуда буд. Инчунин дар Тоҷикистон се институти Конфутсий амал намуда, дар муассисаҳои олии таълимии  Тоҷикистон шуъбаҳои омӯзиши забони чинӣ ба роҳ монда шудаанд.

Мусоҳибон ҳамзамон изҳори боварӣ намуданд, ки тавассути муколамаҳои доимии сатҳи баланд робитаҳои дуҷонибаи Тоҷикистону Чин дар ҳама самтҳо мазмуну мундариҷаи нав касб намуда, дар оянда доираҳои зиёди мавриди таваҷҷуҳ ва барои тарафҳо манфиатоварро фаро мегиранд.

Июль 2, 2018 14:50

Хабарҳои дигари ин бахш

Вакили Маҷлиси намояндагон дар Форуми Осиёгӣ оид ба аҳолӣ ва рушд дар Босния ва Герсеговина иштирок намуд
Дар Маҷлиси намояндагон фраксияҳои ҳизбӣ таъсис дода шуд
Муовини Раиси Маҷлиси намояндагон бо ҳайати Шоҳигарии Белгия мулоқот намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ дар шаҳри Сочӣ аз маҷмааи таълимии «Сириус» дидан намуданд
Раиси Маҷлиси намояндагон бо роҳбарони ҳайатҳои Форуми «Муколамаи занони Осиёи Марказӣ» мулоқот намуд
Рустами Эмомалӣ бо Раиси Думаи давлатии Маҷлиси Федералии Федератсияи Русия Вячеслав Володин мулоқот намуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Президенти Федератсияи Русия Владимир Путин мулоқот намуданд
Рустами Эмомалӣ бо Раиси Шурои Федератсияи Маҷлиси Федералии Федератсияи Русия Валентина Матвиенко мулоқот намуданд
Рустами Эмомалӣ дар назди оромгоҳи Сарбози номаълум дар боғи Александри шаҳри Москва гулчанбар гузоштанд
Рустами Эмомалӣ барои анҷом додани сафари расмӣ вориди шаҳри Москва гардиданд
Дар Маҷлиси намояндагон Қонуни Ҷумҳурии Тоҷикистон «Дар бораи маърифати экологии аҳолӣ» баррасӣ гардид
Рустами Эмомалӣ ба шаҳри Москваи Федератсияи Русия сафар намуданд