Академияи илмҳои Тоҷикистон: «Натиҷаҳои олимони мо дар сатҳи байналмилалӣ рақобатпазир ва эътироф мегарданд»
ДУШАНБЕ, 31.07.2018. /АМИТ «Ховар»/. Дар нимсолаи аввали соли равон аз ҷониби кормандони муассисаҳои илмии Академияи илмҳои Ҷумҳурии Тоҷикистон (АИҶТ) беш аз 1 ҳазору 120 кори илмӣ ба табъ расиданд. Дар ин бора имрӯз, 31 июл президенти АИҶТ, академик Фарҳод Раҳимӣ зимни нишасти матбуотӣ ба хабарнигорон иттилоъ дод.
Зикр шуд, ки аз ин шумора 88 китобу монография, маҷмӯаҳои илмӣ, брошюра ва бештар аз 1000 мақолаҳои илмӣ мебошанд.
«Дар ин давра 180 мақола дар маҷаллаҳои давлатҳои Иттиҳоди Давлатҳои Мустақил ва хориҷи дур ба табъ расиданд. Имрӯз натиҷаҳои олимони мо дар сатҳи байналмилалӣ рақобатпазиранд ва эътироф мегарданд»,-гуфт Фарҳод Раҳимӣ.
Иттилоъ дода шуд, ки дар шашмоҳаи аввали соли равон аз тарафи олимони Академияи илмҳои ҶТ 3 нахустпатенти Ҷумҳурии Тоҷикистон ва 1 қарори мусбат оид ба нахустпатенти Ҷумҳурии Тоҷикистон ба даст оварда шуданд.
Бояд гуфт, ки дар нимсолаи якуми соли 2018 олимони Академияи илмҳо таҳқиқотро аз рӯйи 98 мавзӯъ, аз ҷумла 57 мавзӯи илмӣ-таҳқиқотии бунёдӣ, 23 мавзӯи илмӣ-таҳқиқотии амалӣ ва 18 мавзӯи илмӣ-таҳқиқотии бунёдию амалӣ идома дода, натиҷаҳои назаррас ба даст оварданд.
«ПАРАСТУ». Дар Бӯстон басти аввали истироҳатгоҳи шаҳрӣ оғоз гардид
Дар ноҳияи Ховалинг дар зиёда аз 600 гектар кишти картошка гузаронида мешавад
Имрӯз дар водиҳои Тоҷикистон ҳаво то 38 дараҷа гарм мешавад
Дар Донишгоҳи байналмилалии сайёҳӣ ва соҳибкории Тоҷикистон бахшида ба Даҳсолаи байналмилалии амал оид ба илмҳои яхшиносӣ ҳамоиш баргузор мешавад
Тавсия: барои алоқа дар Узбекистон маблағ камтар сарф мекунем
Дар соҳили Сирдарё барои истироҳату фароғат шароити хуб фароҳам оварда шудааст
Президенти Тоҷикистон ҳамоиши сатҳи олӣ — муаррифии Даҳсолаи байналмилалии барои илмҳои яхшиносӣ (криосферӣ)-ро ифтитоҳ намуданд
Дар Хуҷанд Мусобиқаи ҷумҳуриявӣ оид ба ҷудо байни наврасон ҷамъбаст гардид
Имрӯз дар шаҳри Душанбе ҳаво то 35 дараҷа гарм мешавад
ҚУРБИ АСЪОР: дар Тоҷикистон 1 рубли русӣ аз 0.1247 то 0.1240 сомонӣ муқаррар шудааст
Кишоварзони ноҳияи Восеъ дар гармхона бо усулҳои муосир маҳсулот парвариш мекунанд
Ваколатдор оид ба ҳуқуқи инсон вобаста ба ҳифзи ҳуқуқи соҳибкорон конфронси ҷумҳуриявӣ доир менамояд
