Марказҳои таҳлилии мамлакатҳои минтақа ҳавасманди ба роҳ мондани ҳамкорӣ бо Маркази тадқиқоти стратегии назди Президенти ҶТ мебошанд
ДУШАНБЕ, 30.07.2018. /АМИТ «Ховар»/. Маркази тадқиқоти стратегии назди Президенти Ҷумҳурии Тоҷикистон (МТС) бо марказҳои таҳлилии мамлакатҳои зиёди олам робитаҳои хуби дуҷониба дорад. Дар нимсолаи аввали соли 2018 теъдоди давлатҳое, ки мехоҳанд бо ин марказ муносибат ва ҳамкории худро бештар кунанд, хеле афзуд. Ин нуктаро имрӯз, 30 июл Директори Маркази тадқиқоти стратегии назди Президенти Ҷумҳурии Тоҷикистон Худобердӣ Холиқназар дар нишасти матбуотӣ, ки дар маркази матбуоти ҷумҳуриявии АМИТ «Ховар» баргузор гардид, ба хабарнигорон баён дошт.
Номбурда зикр кард, ки «танҳо аз Ҷумҳурии Исломии Покистон ду маркази иттилоотӣ омодагӣ нишон доданд, ки бо маркази мо Ёддошти тафоҳуми ҳамкорӣ ба имзо расонанд. Соли равон мо Ёддошти тафоҳум байни Маркази тадқиқоти стратегии назди Президенти Ҷумҳурии Тоҷикистон ва Институти тадқиқоти стратегӣ ва байни минтақавии назди Президенти Ҷумҳурии Ӯзбекистонро ба имзо расонидем. Инчунин дар назар аст, ки соли равон Ёддошти тафоҳум бо Ҷумҳурии Ҳиндустон ба имзо расад».
Зикр шуд, ки марказҳои таҳлилии мамлакатҳои минтақа ҳавасманди ба роҳ мондани ҳамкорӣ бо Маркази тадқиқоти стратегии назди Президенти Ҷумҳурии Тоҷикистон мебошанд. Имрӯз МТС бо як қатор марказҳои таҳлилии дигар давлатҳо, аз ҷумла бо марказҳои таҳлилии Федератсияи Россия, Қазоқистон, Чин, Корея, Афғонистон, Ҳиндустон, Покистон, Ӯзбекистон, Қирғизистон, Озарбойҷон, Туркия, Латвия, Литва ва Полша низ робитаҳои хуби корӣ ва илмӣ дорад.
Бояд тазаккур дод, ки Марказ фаъолияташро ба ҳайси яке аз ниҳодҳои таҳлилӣ ва машваратии ҷумҳурӣ бо мақсади амалишавии стратегияҳои давлатӣ ва такмили механизми сиёсати дохилию хориҷӣ ва сиёсати дурбинонаи Президенти Ҷумҳурии Тоҷикистон Эмомалӣ Раҳмон ба роҳ мондааст.
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
