Нархи тарбуз дар бозорҳои Душанбе баланд шудааст. Чаро?
ДУШАНБЕ, 14.07.2018 /АМИТ «Ховар»/. Ҳоло ки фасли тобистон аст, ҳамаи меваю сабзавот ба пуррагӣ пухта расидаанд. Ҳамчунин дар бозорҳои ҷумҳурӣ имсол меваю сабзавот фаровон буда, бештари он нархи дастрас доранд. Вале дар баробари фаровонии меваю сабзавот имрӯз нархи тарбуз боло рафта, пасттарин нархи он 8-10 сомониро ташкил медиҳад.
Гаронии нархи тарбузро муовини директори Корхонаи воҳиди давлатии «Бозори деҳқон» Мастон Шарипов ба гармшавии ҳаво рабт дода, ба хабарнигори АМИТ «Ховар» иброз дошт, ки аз сабаби ҳарорати баланд имсол гулу буттаҳои тарбуз зарар дида, рӯ ба хушкшавӣ ниҳоданд. Ин сабаб гардид, ки тарбуз ба бозорҳо кам ворид гардад. Аз ин рӯ ҳафтаи охир нархи он дар бозорҳо баланд шуд.
«То имрӯз ба бозорҳои пойтахт тарбузу харбуза аз навоҳии вилояти Хатлон ворид карда мешуд. Ҳоло ин навъи маҳсулот дар минтақаи мазкур хеле кам аст, ки ин низ яке аз сабабҳои болоравии нархи тарбуз маҳсуб мешавад»,- мегӯяд Мастон Шарипов.
Ба гуфтаи муовини директори «Бозори деҳқон», айни замон тарбузҳои ноҳияи Фархор пухта, барои фурӯш ба шаҳри Душанбе ворид карда шудаанд.
Дар ноҳияи Зафарободи вилояти Суғд низ тарбузҳоро чида, омода кардаанд, ки рӯзҳои наздик барои фурӯш ба шаҳри Душанбе ворид карда мешаванд. Ин метавонад ба танзими нархи тарбуз мусоидат намояд ва нархи он дар бозорҳо паст шавад.
Фурӯшандаи бозори Саховат Ҷамшед Сафаров мегӯяд, ки имсол содироти тарбуз ба ҷумҳуриҳои Афғонистон ва Ӯзбекистон афзуда, сабаби асосии болоравии ин навъи маҳсулот дар бозорҳои пойтахт гардидааст.
Ба гуфтаи ӯ, ҳоло нархи тарбуз дар бозорҳои пойтахт аз 10 то 20 сомониро ташкил медиҳад.
Исломиддин Раҳмон: «Тоҷикистон ба шарофати соҳибистиқлолӣ ва риояи меъёрҳои Конститутсия рушд меёбад»
ҒИЗОИ СОЛИМ. Истеъмоли дилаи каду кори узви ҳозимаро хуб намуда, хусусияти талхаронӣ дорад
Прокурори шаҳри Ҳисор Умедҷон Нуридин: «Конститутсия санади ифодакунанда ва ҷавобгӯи ормону орзуи халқи Тоҷикистон аст»
ТАНЗИМИ ҶАШНУ МАРОСИМ. Дар Тоҷикистон 834 ҳолати қонуншиканӣ ба қайд гирифта шудааст
Дилором Абдураҳимзода: «Суди конститутсионии Тоҷикистон ҳамчун мақоми мустақили судӣ волоияти Конститутсияро таъмин менамояд»
БОХТАР — НАМУНАИ ШАҲРСОЗИИ МУОСИР. Эҳдо ба Рӯзи ҷаҳонии шаҳрҳо
Дар Конститутсияи Ҷумҳурии Тоҷикистон мавқеи асосиро ҳуқуқу озодиҳои инсон ва шаҳрванд ташкил медиҳад
31 ОКТЯБР — РӮЗИ ҶАҲОНИИ ШАҲРҲО. Хуҷанд яке аз беҳтарин шаҳрҳои бостонии Осиёи Марказӣ ба шумор меравад
Конститутсияи Ҷумҳурии Тоҷикистон асосҳои ташкилӣ ва фаъолиятии моҳиятан нави Маҷлиси Олиро муқаррар намуд
БЕМОРИИ ПӮСТ – ПСОРИАЗ. Оё он табобатшаванда аст?
РӮЗИ ҶАҲОНИИ МУБОРИЗА БАР ЗИДДИ БЕМОРИИ ИНСУЛТ. Чаро инсонҳо ба ин беморӣ гирифтор мешаванд?
ДАРАХТ БИНШОН! Аз охири моҳи ноябр дар Тоҷикистон маъракаи ниҳолшинонӣ оғоз мешавад
