Ҳайати рӯзноманигорони Ӯзбекистон ба Тоҷикистон ташриф меорад
ДУШАНБЕ, 07.08.2018 /АМИТ «Ховар»/. Имрӯз, 7 август як гурӯҳ рӯзноманигорон аз Ҷумҳурии Ӯзбекистон ба вилояти Суғди Ҷумҳурии Тоҷикистон ташриф меоранд. Дар ин бора аз Хадамоти матбуоти Раиси вилояти Суғд ба АМИТ «Ховар» хабар доданд.
Ба иттилои манбаъ, меҳмонон дар доираи сафари худ аз идораи рӯзномаи вилоятии «Суғд ҳақиқати» боздид ба амал оварда, дар «Кохи матбуот» бо аҳли зиёи вилоят мулоқот анҷом медиҳанд.
Дар доираи сафар меҳмонон аз минтақаи озоди иқтисодии «Суғд», бозори марказии «Панҷшанбе» ва дигар мавзеи таърихию фарҳангии шаҳри Хуҷанд боздид менамоянд.
«Ҳайати рӯзноманигорони Ҷумҳурии Ӯзбекистон дар баробари шаҳри Хуҷанд, ҳамчунин аз шаҳру навоҳии Бӯстон, Гулистон, Бобоҷон Ғафуров, Истаравшан, Шаҳристон, Панҷакент ва Душанбе боздид ба амал меоранд»,-илова намуд манбаъ.
Бояд гуфт, ки меҳмонон дар идомаи сафари худ аз намоиши ҳунарҳои мардумии шаҳри Хуҷанд боздид намуда, дар барномаи фарҳангии аҳли ҳунари вилояти Суғд иштирок хоҳанд кард.
Ёдовар мешавем, ки ташрифи ин ҳайат дар арафаи сафари қарибулвуқӯъи Пешвои миллат муҳтарам Эмомалӣ Раҳмон ба Ҷумҳурии Ӯзбекистон ба роҳ монда шудааст.
Хотиррасон менамоем, ки аз 1 то 4 августи соли равон ҳайати 55 нафараи илму адаби тоҷик дар ҷумҳурии ба мо дӯсту бародар Ӯзбекистон қарор дошт.
Дар Ҳисор оид ба кишти саривақтии ғалладонагиҳо машварат доир гардид
Дар ноҳияи Ёвон оид ба таъмини амнияту субот ҳамоиш баргузор шуд
Имрӯз дар водиҳои Тоҷикистон борон меборад
Доир ба пешниҳоди каналҳои коммуникатсионии лоиҳаи «Намоиши коркарди ғайритермалии партовҳои ДДТ дар Осиёи Марказӣ» машварат баргузор гардид
ТААССУРОТИ ХОТИРМОНИ МИНИ-ФУТБОЛ. Дар Душанбе даври ниҳоии Ҷоми Тоҷикистон оид ба футзал баргузор гардид
ОҒОЗИ МАВСИМИ НИҲОЛШИНОНӢ. Дар вилояти Хатлон 600 ҳазор бех дарахти ороишию сояафкан шинонида мешавад
Имрӯз дар ноҳияҳои алоҳидаи кӯҳии Тоҷикистон борон ва барф меборад
Бахшида ба 31-солагии Ҳизби Халқии Демократии Тоҷикистон дар шаҳри Москва ҳамоиш доир гардид
Имрӯз дар ноҳияҳои алоҳидаи Тоҷикистон туман мефарояд
«Барномаи миёнамуҳлати рушди Ҷумҳурии Тоҷикистон барои солҳои 2021–2025» натиҷагирӣ карда шуд
Дар Академияи миллии илмҳои Тоҷикистон бахшида ба солгарди таъсиси Ҳизби Халқии Демократии Тоҷикистон ҳамоиши илмӣ баргузор гардид
Дар Хадамоти алоқа ба муносибати Рӯзи ҳуқуқи инсон ҳамоиш доир шуд
