Дар Душанбе бахшида ба Рӯзи варзишгарони Тоҷикистон мусобиқаҳои гуногуни варзишӣ баргузор мегарданд
ДУШАНБЕ, 08.08.2018 /АМИТ «Ховар»/. Бо ташаббуси Раёсати кор бо ҷавонон ва варзиши шаҳри Душанбе бахшида ба Рӯзи варзишгарони Тоҷикистон, ҳамзамон бо мақсади тарғиби тарзи ҳаёти солим, оммавияти варзиш ва ҷалби ҳарчи бештари наврасону ҷавонон ба варзиш мусобиқаи кушод оид ба гӯштини дзюдо миёни наврасону ҷавонони то 23-сола баргузор гардид.
Тавре аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба хабарнигори АМИТ «Ховар» хабар доданд, дар мусобиқаи мазкур зиёда аз 70 нафар варзишгарон иштирок ва дар вазнҳои алоҳида бо ҳам рақобат намуданд.Дар фароҷоми мусобиқа ғолибон ва ҷоизадорон бо диплом, медал ва туҳфаҳои таъсисдодаи Раёсат қадрдонӣ карда шуданд.
Инчунин дар толори варзишии Муассисаи давлатии Мактаби махсуси варзишии захираҳои олимпии №2 шаҳри Душанбе оид ба таэквондо Чемпионати шаҳри Душанбе байни наврасону ҷавонон оид ба таэквондо ВТФ баргузор шуд.
Дар Чемпионати мазкур варзишгарон аз шаҳри Душанбе, вилояти Хатлон, Вилояти Мухтори Кӯҳистони Бадахшон ва ноҳияҳои тобеи марка зиёда аз 85 нафар иштирок варзиданд. Дар ҷамбасти Чемпионат ғолибон ва ҷоизадорон бо диплом, медал ва туҳфаҳои таъсисдодаи Раёсат қадрдонӣ гардиданд.
Хотиррасон менамоем, ки аз ҷониби Раёсати кор бо ҷавонон ва варзиши шаҳри Душанбе бахшида ба Рӯзи варзишгарони Тоҷикистон мусобиқаҳо ва чорабиниҳои гуногуни варзишӣ ба нақша гирифта шудааст, ки то 10 августи соли равон дар толору майдончаҳои варзишии ҳудуди пойтахт баргузор мешаванд.
Байни мутахассисони самти бехатарии радиатсионӣ ва муҳити экологии Тоҷикистон, Узбекистон ва Қирғизистон ҳамкорӣ таҳким меёбад
Талафоти неруи барқ дар шаҳри Душанбе ба 16,9 фоиз расидааст. Бардошт аз ҷаласаи гурӯҳи корӣ таҳти раëсати муовини Сарвазири Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
РОҲИ ПЕШГИРИФТАИ ТОҶИКИСТОН ДУРУСТ АСТ! Мошинҳои барқӣ аз лиҳози экологӣ тозатарин навъи нақлиёт дар ҷаҳон эътироф шудаанд
Ҳаҷми умумии истеҳсоли маҳсулот дар ноҳияи Кӯшониён ба зиёда аз 1 миллиард сомонӣ расид
Дар Панҷакент ниммарафони экологии кӯҳии «Seven Lakes» доир мегардад
Имрӯз дар Тоҷикистон хавфи сар задани селҳои маҳаллӣ дар назар аст
Олимони тоҷик ва хориҷӣ дар пиряхи Ванҷях корҳои таҳқиқотӣ мегузаронанд
Дар ноҳияи Лахш бо мақсади пешгирии истифодаи ғайриқонунии неруи барқ вохӯрӣ доир шуд
Кадом шабакаҳои иҷтимоӣ ва паёмрасонҳо дар Тоҷикистон маъруфанд
Имрӯз дар Тоҷикистон гармии ҳаво ба 40 дараҷа мерасад
Дар Душанбе марҳилаи дуюми Лоиҳаи «Тавонмандсозии марказҳои матбуотӣ ва ҳамкории онҳо бо ВАО» оғоз ёфт
