Дар Душанбе соддагардонии тиҷорат дар пасманзари иҷрои Созишномаи СҶС баррасӣ гардид
ДУШАНБЕ, 20.08.2018. /АМИТ «Ховар»/. «Соддагардонии тиҷорат дар Тоҷикистон дар пасманзари иҷрои Созишномаи Созмони ҷаҳонии савдо (СҶС) доир ба соддагардонии расмиёти савдо» зимни ҳамоиши серӯза дар шаҳри Душанбе матраҳ гардид.
Ҳамоиши мазкур бо ибтикори Маркази тиҷорати байналмилалӣ (МТБ) дар ҳамкорӣ бо Вазорати рушди иқтисод ва савдои Ҷумҳурии Тоҷикистон созмон дода шуд. Дар он намояндагони ниҳодҳои давлатӣ ва бахши хусусӣ, ки дар самти мусоидат ба тиҷорат фаъолият мебаранд, ширкат намуда, афзалиятнокӣ ва муҳлати иҷрои ислоҳоти соддагардонии тиҷорат дар Тоҷикистон ва уҳдадориҳои марбутаи кишварро баррасӣ намуданд.
Зикр шуд, ки Созишномаи соддагардонии расмиёти савдо (TFA), ки моҳи феврали соли 2017 ба амал даромадааст, созишномаи СҶС буда, аз аъзои он тақозо мекунад, то интиқоли бор, аз ҷумла борҳои транзитиро суръат бахшанд. Мушовири калони МТБ доир ба мусоидат ба тиҷорат доктор Муҳаммад Саид, мегӯяд, ки «созишномаи мазкур аъзои СҶС-ро муваззаф мекунад, то равандҳои гумрукиро беҳтар кунанд, шаффофият ва муассириятро боло баранд ва ҳамчунин, ҳамкориро миёни ниҳодҳои фаъол дар марз ва бахши хусусӣ ба роҳ монанд».
Тоҷикистон дар чаҳорчӯбаи уҳдадориҳояш Кумитаи соддагардонии расмиёти савдоро таъсис додааст, ки ба ҳайати он намояндагони сохторҳои гуногуни давлатӣ шомил мебошанд. Намояндагони ин Кумита дар ҳамкорӣ бо бахши хусусӣ ва коршиносони МТБ аллакай ба муайянсозии чораҳои афзалиятноки ислоҳоти соддагардонии тиҷорат ва тартиби иҷрои онҳо машғул мебошанд.
Бояд тазаккур дод, ки Ҷумҳурии Тоҷикистон моҳи марти соли 2013 узви комилҳуқуқи СҶС гардид.
Гурӯҳи корӣ бо истифодаи самараноки заминҳои наздиҳавлигӣ дар Деҳободи ноҳияи Шаҳринав шинос шуд
Ҳизби Халқии Демократии Тоҷикистон дар 7 ҳазору 336 сохтори давлатӣ ва коргоҳу корхонаҳо ташкилоти ибтидоӣ дорад
Аз ҷониби Бонки миллии Тоҷикистон лоиҳаи «Низоми ягонаи суғуртаи электронӣ» таҳия карда мешавад
Имрӯз дар Тоҷикистон баландшавии ҳарорати ҳаво дар назар аст
Замони баргузории Ниммарафони байналмилалии экологии кӯҳии шаҳри Панҷакент муайян шуд
Байни мутахассисони самти бехатарии радиатсионӣ ва муҳити экологии Тоҷикистон, Узбекистон ва Қирғизистон ҳамкорӣ таҳким меёбад
Талафоти неруи барқ дар шаҳри Душанбе ба 16,9 фоиз расидааст. Бардошт аз ҷаласаи гурӯҳи корӣ таҳти раëсати муовини Сарвазири Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
РОҲИ ПЕШГИРИФТАИ ТОҶИКИСТОН ДУРУСТ АСТ! Мошинҳои барқӣ аз лиҳози экологӣ тозатарин навъи нақлиёт дар ҷаҳон эътироф шудаанд
Ҳаҷми умумии истеҳсоли маҳсулот дар ноҳияи Кӯшониён ба зиёда аз 1 миллиард сомонӣ расид
Дар Панҷакент ниммарафони экологии кӯҳии «Seven Lakes» доир мегардад
Имрӯз дар Тоҷикистон хавфи сар задани селҳои маҳаллӣ дар назар аст
