Дар Тоҷикистон ҷазо барои таблиғоти терроризм пурзӯр карда шуд
ДУШАНБЕ, 06.08.2018. /АМИТ «Ховар»/. Тавре қаблан иттилоъ додем, 4 августи соли равон Президенти Ҷумҳурии Тоҷикистон лоиҳаи тағйиру иловаҳоро ба Кодекси ҷиноятии Ҷумҳурии Тоҷикистон, ки ҷазоро барои бо истифода аз интернет ба амал овардани даъвати оммавӣ ҷиҳати содир намудани ҷиноятҳои дорои хусусияти террористӣ ва (ё) сафедкунии оммавии фаъолияти террористӣ пурзӯр мекунад, ба имзо расониданд.
Тағйиру иловаҳо ба Кодекси ҷиноятии Ҷумҳурии Тоҷикистон бо мақсади таҳкими мубориза бар зидди терроризм ва экстремизм ворид карда шуданд.
Зери мафҳуми «сафедкунии фаъолияти террористӣ» дар қонунгузории Ҷумҳурии Тоҷикистон изҳороти оммавӣ оид ба дастгирии амалҳои террористӣ ва дастгрии ин идеология фаҳмида мешавад.
Баъди нашри Кодекси ҷиноятӣ дар таҳрири нав барои даъвати оммавӣ ба фаъолияти террористӣ ва (ё) сафедкунии оммавии фаъолияти террористӣ ҷазои маҳрум сохтан аз озодӣ ба муҳлати 10 то 15 сол пешбинӣ шудааст.
Чанде пеш, лоиҳаи тағйиру иловаҳо ба Кодекси ҷиноятиро вакилони палатаи поёнӣ ва аъзои палатаи болоии Парлумони ҶТ ҷонибдорӣ ва тасдиқ намуданд.
Тавре зимни муаррифии лоиҳаи тағйиру иловаҳо дар ҷаласаи Маҷлиси намояндагони Маҷлиси Олӣ вакили МН Бахтовар Сафаров зикр кард, таҷрибаи мақомоти ҳифзи ҳуқуқ нишон медиҳад, ки барои баъзе аз корбарон шабакаҳои иҷтимоӣ ва паёмрасонҳо (мессенҷерҳо) ба майдони таблиғоти терроризм ва фаъолияти террористӣ мубаддал гаштаанд.
Дар таҷрибаи судии Тоҷикистон чанд ҳолате буд, ки корбарони шабакаҳои иҷтимоиро барои гузоштани «лайк» ё «класс» зери маводҳо террористӣ ва ё такроран интишор (яъне ба истилоҳ «репост») кардани паёмҳои ташкилотҳо ва ҳаракатҳои фаъолияташон дар ҷумҳурӣ мамнӯъ паси панҷара равон мекарданд.
Мувофиқи маълумоти мақомоти ҳифзи ҳуқуқи Тоҷикистон, бисёре аз тоҷиконе, ки ба Шарқи Наздик рафта, ба сафи ифротиён, аз ҷумла «Давлати исломӣ»* пайвастаанд, маҳз тавассути шабакаҳои иҷтимоӣ ҷалб гардидаанд.
Бояд зикр кард, ки Президенти мамлакат муҳтарам Эмомалӣ Раҳмон Кодекси ҷиноятиро дар таҳрири нав баъди 5 рӯзи ҳамлаи хунуни гурӯҳи ҷавонон ба сайёҳони велосипедрони хориҷӣ дар ҷануби Тоҷикистон ба имзо расониданд. Ҷинояти мазкур ҳамчун амали террористие, ки аз ҷониби аъзои ташкилоти террористӣ-экстремистии дар Тоҷикистон мамнӯи Ҳизби наҳзат* содир шудааст, эътироф гардид.
______________________________
* Мамнӯъ дар Тоҷикистон
ОБОДОНӢ — БЕҲТАРИН КОРУ АМАЛИ САВОБ. Андешаҳои Раиси Шурои уламои Маркази исломии Ҷумҳурии Тоҷикистон Саидмукаррам Абдуқодирзода дар ин хусус
Агентии обуҳавошиносӣ: «Дар Тоҷикистон ду моҳи охир омадани сел бештар мушоҳида гардид»
ДАР ТОҶИКИСТОН БА 2500 НАФАР НАМОЗГУЗОР 1 МАСҶИД РОСТ МЕОЯД. Бо ин нишондиҳанда Тоҷикистон дар байни давлатҳои Осиёи Марказӣ дар ҷои аввал меистад
Дар Душанбе вобаста ба омӯзиши эҳтиёҷоти бозори меҳнат дар Тоҷикистон ҳамоиш доир мешавад
МАЪРИФАТИ ХОНАДОРӢ. Кадбонуҳои шаҳри Душанбе ба ҷавондухтарон тарзи омода намудани таомҳои миллиро меомӯзанд
Маркази кӯдакон ва наврасони шаҳри Душанбе дар истироҳатгоҳи «Зимчурӯд» маҳфилҳои гуногун доир намуд
Тоҷикистон ва Гурҷистон ҳамкориро дар соҳаи сайёҳӣ тақвият мебахшанд
Ҳаҷми истеҳсоли маснуоти саноатии ҳунармандон дар Тоҷикистон ба 57,1 миллион сомонӣ баробар гардид
Форуми ҷавонони Тоҷикистон ва Қазоқистон — Платформаи мубодилаи таҷриба ва ҳамкорӣ баргузор мегардад
СОЛИ МАЪРИФАТИ ҲУҚУҚӢ. Андешаҳои профессор Маҳкам Маҳмудзода ба истиқболи 30-солагии Конститутсияи Тоҷикистон
Дар фурудгоҳи байналмилалии Кӯлоб қариб ба 95 ҳазор мусофир хизмат расонида шуд
ОГОҲӢ! Кумитаи ҳолатҳои фавқулода ва мудофиаи гражданӣ аз омадани сел дар минтақаҳои Тоҷикистон ҳушдор медиҳад
