Фаррух Ҳамрализода: «Дар Душанбе корхонаи нави автобусҳо, мошинҳои боркаш ва микроавтобусҳо сохта мешавад»
ДУШАНБЕ, 01.08.2018. /АМИТ «Ховар»/. Дар пойтахти Ҷумҳурии Тоҷикистон-шаҳри Душанбе корхонаи нави тавлиди автобусҳо, мошинҳои боркаш ва микроавтобусҳо бо ҷалби 20 миллион доллари америкоии ширкати туркӣ сохта мешавад.
Матлаби мазкурро Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Фаррух Ҳамрализода имрӯз зимни нишасти матбуотӣ дар ҳузури доираи васеи хабарнигорон баён дошт.
«Доир ба бунёди ин корхона аз ҷониби Ҳукумати Ҷумҳурии Тоҷикистон қарори махсус ба тасвиб расид. Аз ҷониби Тоҷикистон масъули ин тарҳ ширкати «Авеста Групп» мебошад. Дар марҳилаи аввал ин корхона солиёна то 200 адад автобус тавлид мекунад. Дар марҳилаи дигар тавлиди мошинҳои боркаши иқтидораш аз 3 то 8 тонна ва ҳамчунин микроавтобусҳо пешбинӣ шудааст. Микроавтобусҳо бо тамғаи «Мерседес» тавлид мешаванд. Ҳамаи маҳсулоти ин корхона бо тамғаи «Дар Тоҷикистон истеҳсол шудааст» ба фурӯш бароварда мешавад», -афзуд Фаррух Ҳамрализода.
Ба зикри мавсуф, шурӯъ аз соли ҷорӣ то ба ҳол автобусҳои тамғаи «AKAI» дар шаҳри Душанбе дар бинои собиқи насби троллейбусҳо аз қисмҳои эҳтиётии аз Туркия воридшуда, насб мешаванд. Бештари автобусҳои пойтахти Тоҷикистон феълан дорои тамғаи «AKAI» ва «ISUZI» мебошанд.
Дар нишасти матбуотӣ ҳамчунин иттилоъ дода шуд, ки дар нимсолаи аввали соли равон дар соҳаҳои мухталифи иқтисодию иҷтимоии мамлакат 70 лоиҳаи давлатии сармоягузорӣ, аз ҷумла 25 лоиҳаи грантӣ, 13 лоиҳаи қарзӣ ва 32 лоиҳа дар маблағгузории қарзу грант ба маблағи беш аз 29 миллиард сомонӣ амалӣ гардида истодааст.
Соҳибкорону сокинон дар корҳои ободонии ноҳияи Рӯдакӣ ба маблағи беш аз 21 миллион сомонӣ саҳм гузоштаанд
Бо мақсади пешгирии ҳодисаҳои ғарқшавӣ дар шаҳру ноҳияҳои Тоҷикистон корҳои фаҳмондадиҳӣ гузаронида мешаванд
Имрӯз дар Тоҷикистон ҳавои тағйирёбанда дар назар аст
Гурӯҳи корӣ бо истифодаи самараноки заминҳои наздиҳавлигӣ дар Деҳободи ноҳияи Шаҳринав шинос шуд
Ҳизби Халқии Демократии Тоҷикистон дар 7 ҳазору 336 сохтори давлатӣ ва коргоҳу корхонаҳо ташкилоти ибтидоӣ дорад
Аз ҷониби Бонки миллии Тоҷикистон лоиҳаи «Низоми ягонаи суғуртаи электронӣ» таҳия карда мешавад
Имрӯз дар Тоҷикистон баландшавии ҳарорати ҳаво дар назар аст
Замони баргузории Ниммарафони байналмилалии экологии кӯҳии шаҳри Панҷакент муайян шуд
Байни мутахассисони самти бехатарии радиатсионӣ ва муҳити экологии Тоҷикистон, Узбекистон ва Қирғизистон ҳамкорӣ таҳким меёбад
Талафоти неруи барқ дар шаҳри Душанбе ба 16,9 фоиз расидааст. Бардошт аз ҷаласаи гурӯҳи корӣ таҳти раëсати муовини Сарвазири Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
РОҲИ ПЕШГИРИФТАИ ТОҶИКИСТОН ДУРУСТ АСТ! Мошинҳои барқӣ аз лиҳози экологӣ тозатарин навъи нақлиёт дар ҷаҳон эътироф шудаанд
