ХОРУҒ: Амалиёти «Тартибот» дар давоми ду рӯз 82 ҳолати риоя нагардидани қоидаҳои ҳаракати роҳро ошкор намуд
ХОРУҒ, 28.08.2018. /АМИТ «Ховар»/. Кормандони Бозрасии давлатии автомобилии Раёсати Вазорати корҳои дохилии Вилояти Мухтори Кӯҳистони Бадахшон зимни баргузории санҷиши навбатӣ мавсум ба «Тартибот» дар давоми ду рӯз нақзи 82 адад қоидаҳои ҳаракати роҳ аз тарафи ронандагонро ошкор намуданд.
Котиби матбуотии Раёсати мазкур Далер Чоршанбиев ба мухбири минтақавии АМИТ «Ховар» гуфт, ки ҳадафи доир кардани амалиёти «Тартибот», пеш аз ҳама, коҳиш додани қоидавайронкуниҳо дар роҳҳои автомобилгарди шаҳри Хоруғ мебошад. Дар рафти санҷиш 11 мошини сиёҳшишаи беиҷозатномаи махсус, бидуни рақами давлатӣ ё бо рақамҳои кишварҳои хориҷӣ боздошт шуданд.
Ҳамчунин дар давоми ду рӯз 7 мошини борбару мусофирбар мавриди ташхиси ҳатмии техникӣ қарор дода шуда, панҷ нафар ронанда, ки суръати ҳаракаташон аз меъёр зиёд буд, боздошт гардида, нисбат ба онҳо протоколи маъмурӣ тартиб дода шуд. Дар маҷмӯъ аз вайронкунандагони қоидаҳои ҳаракати роҳ ба маблағи 20 ҳазору 600 сомонӣ ҷарима ситонда шуда, ба буҷаи давлатӣ ирсол гардид.
Ба гуфтаи Далер Чоршанбиев, мақсади дигари амалиёти «Тартибот» ба ронандагони ҷавон шарҳу тавзеҳ додани қоидаҳои ҳаракат дар роҳҳои автомобилгард, интизом ва одоби ронандагӣ аст. Зеро ҳанӯз ҳам баъзе аз ронандагон ҳангоми ҳаракат бо телефони мобилӣ суҳбат карда, ба гирду атрофашон чандон таваҷҷуҳ зоҳир намекунанд. Бо ин кирдорашон онҳо на танҳо ҷони худро дар хатар мегузоранд, балки барои мусофирону пиёдагардҳо низ мушкилӣ эҷод мекунанд.
Баъзе аз ронандагони ҷавон ба ҷои ба гуноҳи худ иқрор шудану онро ислоҳ кардан, кормандони бозрасии давлатии автомобилиро зери фишору таҳдид қарор дода, бо ҳамин роҳ мехоҳанд худро сафед кунанд. Ба чунин ронандагони ҷавон фаҳмонида шуд, ки ин роҳи ҳалли масъала нест ва мақсади нозирони роҳ ҳам ҷазо ё ҷарима бастани ронандагон нест. Баръакс, онҳо мехоҳанд, ки дар роҳҳои автомобилгарди кишвар мудом қоидаи ҳаракати роҳ риоя гардаду касе аз ронандагон ва ё шаҳрвандон осеб набинад.
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
