Рамазон Раҳимзода: «Ошкоршавии ҷиноят аз тақвият ёфтани ҳамкории милитсия бо мардум шаҳодат медиҳад»
ДУШАНБЕ, 03.08.2018. /АМИТ «Ховар»/. Имрӯз дар толори маҷлисгоҳи Вазорати корҳои дохилӣ мизи мудаввари ҷумҳуриявӣ дар мавзӯи «Баланд бардоштани иқтидори ҳамкории милитсия бо ҷомеа» бо иштироки Вазири корҳои дохилӣ Рамазон Раҳимзода, роҳбари Дафтари барномавии САҲА дар Душанбе Туула Юрёля, кордори муваққатии Сафорати ИМА дар Тоҷикистон Кевин Коверт, Сафири фавқулодда ва мухтори Ҷумҳурии Ҷопон дар Тоҷикистон Хаджимэ Китаока ва намояндагони ҷомеаи шаҳрвандӣ оғоз гардид.
Тавре аз Вазорати корҳои дохилӣ ба мухбири АМИТ «Ховар» хабар доданд, чорабиниро Вазири корҳои дохилӣ Рамазон Раҳимзода ифтитоҳ намуда, оид ба ҳодисаҳои ба амал омадаи рӯзҳои охир сухан кард. «Дар тамоми ҷаҳон ба вуқӯъ омадани амалҳои террористию экстремистӣ ҳамаи моро водор месозад, ки муттаҳид шавем. Хушбахтона, ин ҷинояти мудҳиш дар муддати кӯтоҳ бо дастгирии ҷомеа ва мардум кушода шуд, ки ин аз тақвият ёфтани ҳамкории милитсия бо мардум шаҳодат медиҳад».
Дар идомаи мизи мудаввар Вазири корҳои дохилӣ доир ба амалисозии ислоҳоти милитсия бо дастгирии САҲА ва дигар шарикони иҷтимоӣ ва таъсис додани шӯроҳои ҷамъиятӣ дар назди ВКД ва РВКД-ҳо дар тамоми шаҳру вилоятҳо ибрози андеша намуд.
«Дуруст ба роҳ мондани раванди ислоҳоти милитсия дар Ҷумҳурии Тоҷикистон ин ҳамкории зичи милитсия бо ҷомеаи шаҳрвандӣ маҳсуб ёфта, яке аз маҳакҳои асосии ислоҳот ба шумор меравад»,-гуфт номбурда.
Дар кори мизи гирд аз 54 минтақаи ҷумҳурӣ аъзои 29 Шӯрои ҷамъиятӣ иштирок дошта, он давоми ду рӯз идома меёбад.
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
