Вазорати фарҳанг «Китобхони беҳтарин»-ро қадрдонӣ мекунад
ДУШАНБЕ, 14.08.2018. /АМИТ «Ховар»/. Бахшида ба 27-умин солгарди Истиқлолияти давлатии Ҷумҳурии Тоҷикистон бо мақсади баланд бардоштани сатҳи маърифатнокию маълумотнокии ҷавонону наврасон, рушди соҳаи китобдорӣ, ҷалби оммаи мардум ба китобу китобхона ва тарғиби тарзи ҳаёти солим Вазорати фарҳанги Ҷумҳурии Тоҷикистон озмуни ҷумҳуриявии «Китобхони беҳтарин»-ро баргузор менамояд.
Тавре аз Маркази матбуоти Вазорати фарҳанги Ҷумҳурии Тоҷикистон ба мухбири АМИТ «Ховар» иттилоъ доданд, дар озмун ҳамаи шаҳрвандони ҷумҳурӣ, ки узви ягон китобхона мебошанд, метавонанд иштирок намоянд.
Нафаре, ки дар озмун иштирок мекунад, бояд рӯйхати китобҳои мутолиа кардаашро бо дарҷи фикру мулоҳизаҳо ба дафтарчаи махсус ба ҳайати ҳакамон пешниҳод намояд ва дар рафти озмун беш аз 4 китобро оид ба таъриху фарҳанги Тоҷикистон мутолиа карда бошад.
Инчунин саҳми иштирокчии озмун ҷиҳати харидории адабиёти нав, обуна ба рӯзномаву маҷаллаҳо, мутолиаи адабиёт дар мавзӯи Истиқлолият, сулҳу Ваҳдати миллӣ, муқаддасоти миллӣ, ҷашнҳои ниёгон, иншооти бузург ва шахсиятҳои намоёни кишвар, забону адабиёт, таъриху ҷуғрофия, соҳаҳои мухталиф ва дастовардҳои даврони соҳибистиқлолӣ аз шартҳои асосии озмун аст.
Дар муайян намудани ғолибони озмун донистани асарҳо аз осори классикони адабиёти тоҷику форс ва муосир дар васфи Ватан низ ба назар гирифта мешавад.
Озмун дар ду давр баргузор мегардад. Даври аввали озмун моҳҳои август — ноябр дар филиали китобхонаҳо ва даври дуюми он моҳи декабр бо иштироки ҳакамони сатҳи шаҳрӣ ва ноҳиявӣ дар маркази минтақаҳо баргузор мегардад.
Озмун аз рӯи панҷ номгӯ ғолибонро муайян мекунад: хонандагони синфҳои ибтидоии муассисаи таҳсилоти миёнаи умумӣ, хонандагони синфҳои болоии муассисаҳои таҳсилоти миёнаи умумӣ; донишҷуёни муассисаҳои миёнаи махсус; донишҷуёни донишгоҳ ва донишкадаҳои олӣ; роҳбарони хониш – намояндагони аҳли ҷомеа.
Ҷамъбасти озмун охири моҳи декабр дар толори китобхонаҳои вилоятӣ, шаҳрӣ, ноҳиявӣ бо иштироки фаъолон, ғолибон, аҳли илму адаб, намояндагони вазоратҳои фарҳангу маориф ва ВАО баргузор мегардад.
Ғолибони озмун ва иштирокчиёни фаъол бо диплому ифтихорномаҳо ва туҳфаҳо мукофотонида мешаванд.
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
