«БО ДЕГ ШИНӢ – СИЁҲ ШАВӢ…». Дар Варшава аз иштирокчиёни ҳамоиши тоҷикистониёни муқими Полша даъват намуданд, ки ҳушёру зирак бошанд ва ба доми фиреби гурӯҳҳои экстремистию террористӣ наафтанд

Сентябрь 15, 2018 12:31

ДУШАНБЕ, 15.09.2018./АМИТ «Ховар»/. Дирӯз дар шаҳри Варшава бо ташаббуси донишҷӯёни тоҷикистонӣ Конференсия оид ба пешгирии паҳншавии ақидаҳои экстремистию террористӣ дар байни тоҷикистониёни муқими Ҷумҳурии Полша  баргузор гардид.

Конференсияро Сафири Фавқулода ва Мухтори Ҷумҳурии Тоҷикистон дар Ҷумҳурии Федералии Германия ва Ҷумҳурии Полша Маликшо Неъматов ифтитоҳ намуда, роҷеъ ба муносибатҳои дипломатии Ҷумҳурии Тоҷикистон бо кишварҳои Аврупо, ки дар сатҳи хуб ба роҳ монда шудаанд, сухан гуфт.  Бино ба иттилои сафир, дар ҷараёни сафари кории қаблии ӯ ба Полша, ки моҳи июни ҳамин сол сурат гирифтааст, Маликшо Неъматов бо масъулони Вазорати  маориф  ва Палатаи савдо ва саноати  ин кишвар мулоқот намуд ва ҷонибҳо омодагии худро ба ривоҷи муносибатҳои дӯстона ва ҳамкорӣ дар соҳаҳои илму маориф ва савдои хориҷӣ баён доштанд. Соҳибкорони Полша даъвати сафири Тоҷикистонро ҷиҳати иштирок дар Форуми байналмилалии соҳибкорон, ки аст 14 октбяри соли равон дар шаҳри Душанбе доир шавад, бо камоли майл пазируфтанд.

Дар баробари ин Маликшо Неъматов изҳори нигаронӣ намуд, ки имрӯзҳо дар нишасти анъанавии  САҲА дар Варшава аҳзоб ва гурӯҳҳое ширкат ва суханронӣ мекунанд, ки дар Тоҷикистон расман ташкилотҳои экстремистию террористӣ эълон шудаанд ва ин, албатта, ба ҳамкории судманди Ҷумҳурии Тоҷикистон бо ин созмони бонуфуз наметавонад халал ворид насозад.

Дар  конференсия  аъзои ҳайъати расмии Ҷумҳурии Тоҷикистон бо роҳбарии муовини якуми Вазири корҳои хориҷии Ҷумҳурии Тоҷикистон Низомиддин Зоҳидӣ, ки барои иштирок дар машварати  САҲА ба Варшава рафтаанд, инчунин  донишмандону коршиносони поландӣ, ки ба омӯзиши равандҳои Тоҷикистон машғуланд, ширкат намуданд.

Ширкаткунандагони конференсия аз донишҷӯёни тоҷик ва дигар шаҳрвандони  муқими Полша даъват намуданд, ба доми тазвири чунин ҳизбу гурӯҳҳои авомфиреб ва ҷинояткор дода нашаванд, аз мақоли халқии «Бо дег шинӣ – сиёҳ шавӣ» кор гирифта, аз ҳамнишинӣ бо чунин гуруҳҳои ифротӣ ва ҷиноӣ  канораҷӯӣ намоянд ва қотеона алайҳи амалҳо ва ҳадафҳои нопоки онҳо, ки мехоҳанд муносиботи неку самимонаи Тоҷикистонро бо кишварҳои  Ғарб доғдор намоянд, мубориза баранд.

 

Сентябрь 15, 2018 12:31

Хабарҳои дигари ин бахш

Дар Женева 33-солагии Истиқлолияти давлатии Ҷумҳурии Тоҷикистонро ҷашн гирифтанд
Дар Душанбе машваратҳои байниидоравии Тоҷикистон ва Эрон баргузор шуданд
Тавсеаи ҳамкории гуногунҷабҳа байни Тоҷикистон ва Созмони ҳамкории иқтисодӣ баррасӣ гардид
Дар шаҳри Абузабӣ дурнамои рушди ҳамкорӣ байни Тоҷикистон ва Амороти Муттаҳидаи Араб баррасӣ гардид
Вазоратҳои корҳои хориҷии Тоҷикистон ва Русия оид ба таъмини иттилоотии фаъолияти сиёсати хориҷӣ машварат доир намуданд
Дар шаҳри Ашқобод ҷаласаи 25-уми Шурои байниҳукуматии ҳамоҳангсози Иттиҳоди Давлатҳои Мустақил доир шуд
Дар шаҳри Давҳа 33-солагии Истиқлолияти давлатии Ҷумҳурии Тоҷикистон таҷлил гардид
Тоҷикистон ва Эрон аз ҳамкории байниминтақавӣ изҳори қаноатмандӣ намуданд
Бахшида ба Истиқлоли давлатии Ҷумҳурии Тоҷикистон дар шаҳри Машҳади Эрон нишасти илмиву адабӣ баргузор гардид
Дар Душанбе марҳилаи интихобии Ҷоми Осиё-2025 оид ба футбол байни ҷавонони то 20-сола доир мегардад
Дар Прага оид ба роҳбарии Тоҷикистон дар пешбурди ташаббусҳои байналмилалии марбут ба мудирияти об чорабинӣ доир шуд
Тавсеаи ҳамкории Тоҷикистон ва Қатар дар самти баргузории конфронсҳо баррасӣ гардид