Дар Душанбе Фестивали шаҳрии эҷодиёти кӯдакон таҳти унвони «Рангоранг» ҷараён дорад
ДУШАНБЕ, 15.09.2018. /АМИТ «Ховар»/. Имрӯз, 15 сентябр дар Боғи кӯдакони Муассисаи давлатии «Маркази кӯдакон ва наврасони шаҳри Душанбе» Фестивали шаҳрии эҷодиёти кӯдакон таҳти унвони «Рангоранг» баргузор гардид.
Тавре хабарнигори АМИТ «Ховар» аз макони баргузории чорабинӣ хабар медиҳад, фестивали мазкур тибқи нақшаи чорабиниҳои мақомоти иҷроияи ҳокимияти давлатии шаҳри Душанбе ва Сарраёсати маорифи пойтахт ва муносибати 27-солагии Истиқлолияти давлатии Ҷумҳурии Тоҷикистон ва дар доираи Соли рушди сайёҳӣ ва ҳунарҳои мардумӣ баргузор мегардад.
Дар доираи фестивали мазкур кӯдакону наврасон – таълимгирандагони муассисаҳои таҳсилоти иловагии пойтахт дастранҷи ҳунару эҷоди худро ба маърази тамошо гузошта, инчунин бо роҳбаладии омӯзгорон барои сокинону меҳмонони навраси пойтахт барномаҳои дастони моҳир баргузор намуданд.
Ин ҷо корҳои кӯдакон дар бахшҳои ҳунариву техникӣ, санъати тасвирӣ, ҳунарҳои мардумӣ ва варзишу тарбияи ҷисмонӣ ба намоиш гузошта шуд. Инчунин ба хонандагони муассисаҳои таълимии пойтахт имконият дода шуд, ки бо иттиҳодияҳои таълимӣ ва маҳфилҳои Муассисаи давлатии «Маркази кӯдакон ва наврасони шаҳри Душанбе» ва муассисаҳои таҳсилоти иловагии ноҳияҳои пойтахт аз наздик ошно шуда, ба онҳо аъзо шаванд.
Фестивал бо баргузории барномаи фарҳангӣ бо иштироки наврасони эҷодкор идома ёфта, дар охир ба иштирокчиёни барнома ифтихорномаҳову дипломҳои созмондиҳандагони он тақдим карда шуд.
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Дар ноҳияҳои Рашту Тоҷикобод «Маркази ҷавонон» ва майдончаҳои варзишӣ бунёд карда мешаванд
Раиси шаҳри Душанбе бо губернатори Ҳукумати мардумии музофоти Шенсии Чин мулоқот намуданд
Рустами Эмомалӣ бо Сафири Ҷопон дар Тоҷикистон Кейко Фурута мулоқот намуданд
Президенти Ҷумҳурии Тоҷикистон Эмомалӣ Раҳмон бо рафти сохтмони роҳи мошингард аз дарвозаи Ғарбӣ то маҳаллаи Чортути шаҳри Душанбе шинос шуданд
Сарвари давлат Эмомалӣ Раҳмон бо корҳои сохтмонӣ дар Варзишгоҳи миллии Тоҷикистон дар шаҳри Душанбе шинос шуданд
Пешвои миллат Эмомалӣ Раҳмон дар ноҳияи Синои шаҳри Душанбе бо корҳои сохтмонӣ дар Чойхонаи миллӣ шинос шуданд
Дар Тоҷикистон экспедитсияи сайёҳии «Саёҳат ба қалби Авруосиё-2025» баргузор мешавад
Рустами Эмомалӣ бо Кетрин Мери Рассел мулоқот намуданд
Раиси шаҳри Душанбе Рустами Эмомалӣ бо Раиси Шурои директорони шабакаи телевизионии «Евронюс» Педро Варгас Сантос Давид мулоқот намуданд
35-СОЛАГИИ ИСТИҚЛОЛИ ДАВЛАТӢ. Дар ноҳияи Фархор бинои нави маъмурии Ҷамоати деҳоти «Фархор» сохта мешавад
Бахшида ба Рӯзи ҷавонони Тоҷикистон ҳамоиши табибони ҷавони шаҳри Душанбе баргузор шуд
