Кумаки яквақтаи Президент ба сокинони Рӯшон расид
РӮШОН, 05.09.2018. /АМИТ «Ховар»/. Ҳамасола дар арафаи иду ҷашнҳои миллӣ Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ниёзмандони кишвар кумак мерасонанд. Имсол ба ифтихори 27-солагии Истиқлолияти давлатии Тоҷикистон аз ҷониби Сарвари ғамхори мамлакат ба қишри ниёзманди ноҳияи дурдасти Рӯшони Вилояти Мухтори Кӯҳистони Бадахшон кумак расонида шуд.
4 сентябр намояндагони Ҳукумати Ҷумҳурии Тоҷикистон-муовини сардори Раёсати мудофиа ва тартиботи ҳуқуқии Дастгоҳи иҷроияи Президенти Ҷумҳурии Тоҷикистон Ҷонибек Холиқзода ва муовини Вазири нақлиёти Ҷумҳурии Тоҷикистон Рустам Вализода дар ҷамоатҳои деҳот ва мактаб-интернати ҷумҳуриявии ноҳияи Рӯшон кумаки яквақтаи Президенти кишварро дар ҳаҷми 1500 сомонӣ ба ҳар як маъюби дараҷаи 1 ва маъюбони то синни 18 расониданд.
Муовини сардори Раёсати мудофиа ва тартиботи ҳуқуқии Дастгоҳи иҷроияи Президенти мамлакат Ҷонибек Холиқзода ҳангоми расонидани кумакҳои Сарвари давлат изҳор дошт, ки «Пешвои миллат ва Роҳбари хирадманди мо ҳеҷ гоҳ қишри ниёзманди мамлакатро фаромӯш намекунанд ва ҳамеша кӯшиш ба харҷ медиҳанд, ки парастори маъюбону ятимон бошанд. Дар арафаи ин ҷашни бузургу тақдирсози миллат-Истиқлолияти давлатӣ 553 нафар ниёзмандони ноҳияи Рӯшон аз кумаки яквақтаи Президенти Тоҷикистон баҳравар гардиданд».
Сокинони Ҷамоати ба номи М.Абдулвосиеви ноҳия Наврӯзшо Ғуломҳайдаров ва Азиза Саодатқадамова-волидайни кӯдакони маъюб дар ҷавоб ба ин ғамхориҳо ба Президенти кишвар миннатдории самимӣ изҳор намуданд.
Мамадалӣ БАХТИЁРОВ,
ноҳияи Рӯшон
СОЛҲОИ РУШДИ САНОАТ. Дар шаҳри Кӯлоб 77 корхонаи саноатӣ фаъолият менамояд
ИСТИҚЛОЛИЯТИ ДАВЛАТӢ. То 1 октябр дар шаҳри Кӯлоб 493 иншооти истеҳсолию иҷтимоӣ ба истифода дода шудааст
Дар Минтақаи озоди иқтисодии «Кӯлоб» бинои гузаргоҳи гумрукӣ ва чоҳи амудӣ ба истифода дода шуд
Сарвари давлат Эмомалӣ Раҳмон пас аз анҷоми сафари корӣ дар шаҳру ноҳияҳои минтақаи Кӯлоби вилояти Хатлон ба шаҳри Душанбе баргаштанд
Пешвои миллат Эмомалӣ Раҳмон дар чорабинии тантанавии идона ба ифтихори ҷашни 35-солагии Истиқлоли давлатӣ дар варзишгоҳи шаҳри Кӯлоб иштирок намуданд
Раиси шаҳри Душанбе Рустами Эмомалӣ оромгоҳи Мир Сайид Алии Ҳамадониро зиёрат намуданд
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
Сарвари давлат Эмомалӣ Раҳмон барои бунёди маҷмааи нассоҷӣ дар Минтақаи озоди иқтисодии Кӯлоб санги асос гузоштанд
Пешвои миллат Эмомалӣ Раҳмон бо лоиҳаҳои роҳ ва пулҳои мошингард дар минтақаи Кӯлоб шинос шуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ 17 иншоотро дар ҳудуди шаҳри Кӯлоб ифтитоҳ намуданд
Сарвари давлат Эмомалӣ Раҳмон бинои нави маъмурияти минтақаи озоди иқтисодии «Кӯлоб»-ро мавриди баҳрабардорӣ қарор доданд
