Муаррифии «Лабчанг» ба аҳли фарҳанг
ДУШАНБЕ, 20.09.2018. /АМИТ «Ховар»/. Дар Маркази фарҳангии «Бохтар-Бактрия», ки тайи чандин сол пурсамар фаъолият дорад, муаррифии китоби нави Шоири халқии Тоҷикистон, барандаи Ҷоизаи давлатии ба номи устод Рӯдакӣ Гулрухсор Сафиева таҳти унвони «Лабчанг» доир гардид.
Дар маҳфили адабӣ, ки хеле гарм ва самимӣ ҷараён гирифт, доираи васеи фарҳангиён, аз ҷумла адибону ходимони санъат, намояндагони корпуси дипломатӣ иштирок намуданд. Сафири Франсия дар Ҷумҳурии Тоҷикистон Ясмин Гуедар муаллифро бо асари тоза, ки дар матбааи «Сухан»-и назди Иттифоқи нависандагони Тоҷикистон рӯи чоп омадааст, самимона табрик намуд ва огоҳии худро аз эҷодиёти ӯ изҳор дошт.
Китоби «Лабчанг» аз шеър, ғазал, рубоӣ, дубайтӣ ва манзумаҳои нав мураттаб шудааст. Чун ҳамеша Гулрухсор бар он аст, ки нахустин шоири дунё модар буду ҳаст ва хоҳад монд.
Ин нуктаро шоир дар «Шеъре барои шер» низ таъкид намуда, хитоб мекунад:
Дар сари гаҳвораву тобут шеър
Сабки лолоиву ғамнолии модарҳост.
Шеър бунёди забони модарист,
Ҳазрати модар
Нахустин шоири дунёст!..
Манзумаи навэҷоди Гулрухсор «Лабчанг», ки бори аввал чоп мешавад, дар эҷодиёти шоир падидаи нав аст.
Манзума бо чунин сатрҳо оғоз меёбад:
Модарам лабчанг мезад,
Оҳ оҳанги худаш буд.
Бори сангини хиёнат
Осиёсанги худаш буд…
Муҳаррири китоб шоир ва муҳаққиқи шинохта Рустами Ваҳҳоб мебошад. Тасвири рӯи ҷилд бо номи «Арӯсакҳои маҳзун» кашидадӯзии шоира ва тарҷумон Хосият Каст аст, ки ба муаллиф ҳадя намудааст.
Мансур СУРУШ,
шореҳи адабии АМИТ «Ховар»
13 феврал дар Вазорати корҳои дохилӣ, Вазорати адлия, Кумитаи андоз ва Суди Олӣ нишасти матбуотӣ баргузор мегардад
Имрӯз дар баъзе ноҳияҳои алоҳидаи Тоҷикистон туман мефарояд
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
