Шоҳмотбозони беҳтарини Бадахшон барои Ҷоми Вазири корҳои дохилӣ ба рақобат пардохтанд
ХОРУҒ, 04.08. 2018 /АМИТ «Ховар»/. Ба муносибати 27-умин солгарди Истиқлолияти давлатии Ҷумҳурии Тоҷикистон дар шаҳри Хоруғ мусобиқа аз намудҳои футболи хурд, шоҳмот ва тенниси рӯимизӣ идома дорад. Ғолибони мусобиқа бо Ҷоми Вазири корҳои дохилии Ҷумҳурии Тоҷикистон ва дигар мукофоту туҳфаҳои хотиравӣ сарфароз мегарданд.
Сардори Раёсати ҷавонон ва варзиши Вилояти Мухтори Кӯҳистони Бадахшон Сураҷ Чоршанбиев гуфт, ки «мусобиқа байни 12 нафар шоҳмотбозони беҳтарини шаҳру ноҳияҳои вилоят ба анҷом расид. Ба даври ниҳоӣ дар ин бозӣ ду нафар шоҳмотбозони шинохтаи кишвар Олуча Ҷумъаев ва Алишер Мамадаёззода, ки ҳарду номзад ба Устоди варзиши ҷумҳурӣ мебошанд, роҳ ёфтанд. Бо каме бартарӣ Олуча Ҷумъаев дар ин рақобат пирӯз шуд ва мақоми аввалро аз худ кард. Ҷои сеюмро Нозим Мақсудшоев соҳиб гардид».
Ба гуфтаи сардори Раёсати ҷавонон ва варзиши вилоят, як моҳ пеш дар маҳаллаи Хоруғи боло бо кумаки Раиси Федератсияи футболи Тоҷикистон Рустами Эмомалӣ майдончаи муосир мавриди баҳрабардорӣ қарор дода шуд. Бо ин шумораи дастаҳои довталаб барои гирифтани Ҷоми Вазири корҳои дохилии ҷумҳурӣ бамаротиб афзуд.
Ҳоло байни 24 даста мусобиқа идома дорад ва бозии ниҳоӣ 6 сентябр баргузор мегардад. Қарор аст, ки дар ҳамин рӯз бо ширкати Вазири корҳои дохилии ҷумҳурӣ Рамазон Раҳимзода маросими супурдани ҷоизаи асосӣ ва туҳфаҳои хотиравӣ доир гардад.
Пешвои миллат Эмомалӣ Раҳмон дар чорабинии тантанавии идона ба ифтихори ҷашни 35-солагии Истиқлоли давлатӣ дар варзишгоҳи шаҳри Кӯлоб иштирок намуданд
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба ифтихори ҷашни 35-солагии Истиқлоли давлатӣ дар варзишгоҳи шаҳри Кӯлоб
Раиси шаҳри Душанбе Рустами Эмомалӣ оромгоҳи Мир Сайид Алии Ҳамадониро зиёрат намуданд
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
Сарвари давлат Эмомалӣ Раҳмон барои бунёди маҷмааи нассоҷӣ дар Минтақаи озоди иқтисодии Кӯлоб санги асос гузоштанд
Пешвои миллат Эмомалӣ Раҳмон бо лоиҳаҳои роҳ ва пулҳои мошингард дар минтақаи Кӯлоб шинос шуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ 17 иншоотро дар ҳудуди шаҳри Кӯлоб ифтитоҳ намуданд
Сарвари давлат Эмомалӣ Раҳмон бинои нави маъмурияти минтақаи озоди иқтисодии «Кӯлоб»-ро мавриди баҳрабардорӣ қарор доданд
Сарвари давлат Эмомалӣ Раҳмон дар минтақаи озоди иқтисодии Кӯлоб корхонаи истеҳсоли қисмҳои эҳтиётии автомобилӣ ҶДММ «Тоҷик-Алмос»-ро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Кӯлоб марказҳои обтаъминкунӣ ва корезро ба истифода доданд
Пешвои миллат Эмомалӣ Раҳмон ба шаҳри Кӯлоб Беморхонаи хусусии ташхисию табобатии «Мирзоён»-ро ба истифода доданд
Сарвари давлат Эмомалӣ Раҳмон дар шаҳри Кӯлоб 10 иншооти соҳаи маорифро ба таври фосилавӣ мавриди истифода қарор доданд
