«ТАНТАНАИ ИСТИҚЛОЛ». Пагоҳ дар «Наврӯзгоҳ» -и шаҳри Душанбе барномаи театрӣ баргузор мегардад
ДУШАНБЕ, 08.09.2018 /АМИТ «Ховар»/. Пагоҳ, 9 сентябр дар Муассисаи давлатии «Наврӯзгоҳ»-и шаҳри Душанбе ба ифтихори ҷашни 27-умин солгарди Истиқлолияти давлатии Ҷумҳурии Тоҷикистон таҳти унвони «Тантанаи Истиқлол» барномаи театрӣ баргузор мегардад. Ҳамчунин имрӯз, 8 сентябр бахшида ба таҷлили ҷашни мазкур дар чор ноҳияи пойтахт барномаҳои фарҳангию фароғатӣ ва сайру гашти оммавӣ баргузор мегарданд.
Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» хабар доданд, ин базмҳои идона дар «Боғи фарҳангию фароғатии ба номи С.Айнӣ»-и ноҳияи Исмоили Сомонӣ, «Майдони 800-солагии Москва»-и ноҳияи Шоҳмансур, майдони хиёбони Сино дар назди Прокуратураи генералӣ ва «Боғи фарҳангу фароғатӣ ба номи Абулқосим Фирдавсӣ» доир мегарданд.
Ёдовар мешавем, ки бо ташаббуси мақомоти иҷроияи ҳокимияти давлатии шаҳри Душанбе бахшида ба таҷлили 27-умин солгарди Истиқлолияти давлатии Ҷумҳурии Тоҷикистон бори аввал дар Тоҷикистон 6 ва 7 сентябр дар Муассисаи давлатии «Боғи фарҳангию фароғатии Кӯли ҷавонон» намоиши варзиши обии «Флайборд» баргузор гардид.
Ин намоиши варзиши обӣ имрӯз низ дар «Боғи фарҳангию фароғатии Кӯли ҷавонон» баргузор мегардад.
Бояд зикр кард, ки баҳри муаррифии варзиши обии «Флайборд» дар Душанбе варзишгарони варзидаи сатҳи байналмилалӣ аз Федератсияи Россия даъват шудаанд.
Бояд зикр кард, ки дар барномаҳои идонаи пойтахт ҳунармандони маъруфи мамлакат хотири сокинону меҳмононро шод мегардонанд.
Мақомоти иҷроияи ҳокимияти давлатии шаҳри Душанбе сокинону меҳмонони пойтахтро ба ин ҷашнгоҳҳо даъват менамояд.
Дар Душанбе Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор мешавад
Роҳҳои мошингарди ноҳияи Муъминобод таҷдиду навсозӣ мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони иншооти ҷашнӣ вусъат меёбад
Дар ноҳияи Муъминобод корҳои сохтмонӣ вусъати тоза меёбанд
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар ноҳияи Шоҳмансури шаҳри Душанбе Озмуни ноҳиявии «Кадбонуи беҳтарин» баргузор гардид
«МОДАР — САРЧАШМАИ МЕҲРУ МУҲАББАТ». Дар Душанбе Рӯзи модарро ботантана таҷлил намуданд
Иҷлосияи панҷуми Маҷлиси вакилони халқи шаҳри Душанбе, даъвати ҳафтум баргузор мегардад
Маросими қадршиносии беҳтаринҳо дар соҳаҳои кор бо ҷавонон ва варзиши шаҳри Душанбе баргузор гардид
МОДАР — САРЧАШМАИ МЕҲРУ МУҲАББАТ. Дар ноҳияи Шоҳмансур ҳамоиши идонаи фарҳангӣ – фароғатӣ доир шуд
Дар Суғд бо мақсади таҷлили шоистаи ҷашни Наврӯз корҳои сабзу хуррамгардонӣ оғоз шуданд
Дар шаҳри Кӯлоб таҳти раёсати Сарвазири Ҷумҳурии Тоҷикистон ҷаласаи корӣ баргузор шуд
