«АLL Season Travel» тасмим гирифтааст, ки беш аз 1000 нафар сайёҳони Японияро барои дидани манзараҳои зебои мо ба Тоҷикистон сафарбар намояд
ДУШАНБЕ, 30.10.2018 /АМИТ «Ховар»/. Яке аз ширкатҳои бонуфузи сайёҳии японӣ «АLL Season Travel» тасмим гирифтааст, ки дар доираи ҳамкорӣ бо ширкати сайёҳии ватании ҶДММ «Ориент Адвентур» беш аз 1000 нафар сайёҳони давлати Японияро барои саёҳат ба Ҷумҳурии Тоҷикистон сафарбар намояд. Ин матлабро директори ширкати мазкур Куниёши Такада (Kuniyoshi Takada) зимни вохӯрӣ бо Раиси Кумитаи рушди сайёҳии назди Ҳукумати Ҷумҳурии Тоҷикистон Нуъмон Абдуғаффорзода иброз дошт.
Ҷонибҳо ҳамзамон атрофи захираҳои сайёҳии Тоҷикистон ибрози андеша карда, таъкид намуданд, ки дар ин самт имкониятҳои фарох мавҷуданд.
Мавриди зикр аст, ки фаъолияти асосии ширкати «АLL Season Travel» равон намудани сайёҳони Япония ба Осиёи Марказӣ мебошад.
Ёдовар мешавем, ки директори ширкат Куниёши Такада (Kuniyoshi Takada) бо мақсади боздид аз имкониятҳои сайёҳии Тоҷикистон ба кишвари мо сафар намуд. Давоми 7 рӯз аз мавзеъҳои сайёҳии Чилдухтарон, шаҳраки Ҳулбук, мақбараи Мир Сайид Алии Ҳамадонӣ, Искандаркӯл, Ҳафткӯл, Панҷакенти қадим, Саразм, Истаравшан ва Хуҷанд дидан намуд.
Табиати зебои Тоҷикистон ба роҳбари ин ширкати сайёҳӣ хеле писанд омада, зимни вохӯрӣ зикр намуд, ки дар барномаҳо ва хатсайрҳои худ соли 2019 имкониятҳои Тоҷикистонро бештар ҷой медиҳад.
Ҳамзамон зикр гардид, ки дар воситаҳои ахбори оммаи Япония оид ба имконият ва захираҳои сайёҳии Тоҷикистон бо мақсади ҷалби сайёҳони ин кишвар ба Тоҷикистон маводи иттилоотӣ ва таблиғотӣ нашр мегардад.
Тибқи маълумоти оморӣ, дар нуҳ моҳи соли равон 427 нафар сайёҳони Япония бо мақсади сайру саёҳат ба ҷумҳурӣ ташриф овардаанд. Соли 2017 сайёҳони ин давлат 315 нафарро ташкил дода буд.
Бояд гуфт, ки роҳбарии ширкатҳои бонуфузи сайёҳии японӣ бо дастгирии Кумитаи рушди сайёҳии назди Ҳукумати Ҷумҳурии Тоҷикистон ва Сафорати Ҷумҳурии Тоҷикистон дар Токио ба Ҷумҳурии Тоҷикистон омад.
Дар акс директори ширкати мазкур Куниёши Такада дар Муъминобод
Тоҷикистону Ҳиндустон ҳамкории фарҳангӣ ва сайёҳиро таҳким мебахшанд
РУШДИ САЙЁҲӢ ДАР БАДАХШОН. Сабзазорҳои алпӣ, биёбонҳои баландкӯҳ, дарёҳои тезҷараён ва кӯлҳои мусаффои он назаррабо мебошанд
Ҳайати Тоҷикистон дар ҷаласаи 71-уми ҷаласаи Комиссияи Аврупоии Созмони умумиҷаҳонии сайёҳӣ иштирок намуд
Мавзеи сайёҳии «Арху» ба макони писандидаи сайёҳон табдил ёфтааст
Иштирокдорони Конфронси байналмилалии сатҳи баланд оид ба ҳифзи пиряхҳо бо корҳои сохтмонӣ дар НБО «Роғун» шинос шуданд
Эла Ионеску, намоянда аз Руминия: «Шумо, одамони хушбахтед, ки чунин Ватани зебо доред»
СИЁМА. Оби ин дарё ба даҳгонаи обҳои беҳтарини ҷаҳон дохил гардидааст
Варзишгар аз Амрико Каролина Глейш: «Ба дӯстону ҳамкоронам дар бораи табиати нотакрори Тоҷикистон нақл хоҳам кард»
Иштирокдорони Конфронси байналмилалии сатҳи баланд оид ба ҳифзи пиряхҳо мавзеъҳои таърихию фарҳангии Тоҷикистонро тамошо мекунанд
Барои сохтмони кампуси Донишкадаи байналмилалии Данғара лоиҳаи Бонки Исломии рушд амалӣ карда мешавад
Ҷаҳонгарди тоҷик Парчами Ҷумҳурии Тоҷикистонро дар нуқтаи баландтарини Антарктида парафшон намуд
Тоҷикистон барои қабули раисии Шурои Иттиҳоди Давлатҳои Мустақил оид ба сайёҳӣ изҳори омодагӣ намуд
