«ҶАНГ ДАР ОН СӮИ БАҲР…». Дар Душанбе романи нависандаи машҳури Япония Рю Мураками ба забони тоҷикӣ тарҷума ва нашр шуд
ДУШАНБЕ, 04.10.2018 /АМИТ «Ховар»/. Нашриёти «Эр-граф» китоби наверо бо номи «Ҷанг дар он сӯи баҳр оғоз меёбад» ба нашр расонид. Китоби мазкур романи нависандаи машҳури японӣ Рю Мураками мебошад, ки доир ба фоҷиаи шахсӣ, фалокатҳои воқеӣ, тарсу ҳароси доимӣ ва хаёлоти дардовар нақл карда, онро рӯзноманигор Абдуғаффор Қурбонов аз забони русӣ ба тоҷикӣ тарҷума кардааст.
Тавре дар суҳбат ба мухбири АМИТ «Ховар» Абдуғаффор Қурбонов зикр намуд, ӯ то ин вақт ду китоби нависандагони маъруф ва барҷастаи адабиёти Япония- Тэтсуо Миура ва Тэру Миамоторо тарҷума, нашр ва пешкаши хонандагон гардонидааст. Инак китоби сеюм тарҷумаи асари нависандаи машҳури Япония Рю Мураками аст, ки таҳти унвони «Ҷанг дар он сӯи баҳр оғоз меёбад» пешниҳоди хонандагон гардид.
Бояд зикр намуд, ки номи нависанда Рюноске Мураками буда, мавсуф 19 феврали соли 1952 дар шаҳри Сасебо, воқеъ дар префектураи Нагасаки ба дунё омадааст. Ҳаёти эҷодии нависанда замоне оғоз ёфт, ки вай бори аввал романи «Тамоми тобишҳои ранги кабуд»-ро пешкаши хонандагон намуд. Китоби мазкур бо теъдоди 1 млн нусха ба фурӯш рафт. Бархе мунаққидон ҳамон лаҳза Муракамиро асосгузори ҷараёни нав дар адабиёти Япония эълон карданд.
Соли 1977 романи «Ҷанг дар он сӯи баҳр оғоз меёбад» ба нашр расида, машҳур шуд.
Шӯҳрати асарҳои Рю Мураками кайҳо аз қаламрави кишвари тулӯъи офтоб берун рафтааст. Иқтибосҳо аз романҳои вай дар саҳифаҳои истифодабарандагони шабакаҳои иҷтимоӣ тез-тез пайдо мешаванд.
Бояд гуфт, ки айни замон Мураками аз рӯйи асарҳои худаш филм ба навор мегирад.
Паёми Президенти Тоҷикистон ба Маҷлиси Олӣ ба аҳли илм руҳияи тоза бахшид
«Куллиёт»-и осори Мирзо Турсунзода рӯнамоӣ гардид
Ба шаҳри Панҷакент Шаҳодатномаи Шаҳри байналмилалии ҳунармандӣ дода шуд
«ТУ ҚАЛБИ ТОҶИКИСТОНӢ, ДУШАНБЕ!» Дар пойтахт озмуни шаҳрӣ идома дорад
«ФАРҲАНГИ СУМАНАКПАЗӢ». Ин таоми миллӣ хусусияти табобатӣ низ дорад
Сокинони ноҳияи Ҷаббор Расулов соҳиби туҳфаи Пешвои миллат — «Шоҳнома»-и Абулқосим Фирдавсӣ мегарданд
«ДАР ҲУНАР КӮШ, КИ ЗАР ЧИЗЕ НЕСТ…». Фаъолияти Аспармо Мавлоназарова барои рушди ҳунарҳои миллӣ намунаи ибрати ҷавонон аст
Дар Душанбе дар мавзуи Куруши Кабир ва Эъломияи умумии ҳуқуқи башар ҳамоиш доир гардид
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
ҲИФЗИ МЕРОСИ МИЛЛӢ ДАР ТОҶИКИСТОН. Тавассути сиёсати хирадмандона имрӯз ҷаҳониён бо таъриху фарҳанги миллати мо шинос мешаванд
Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
Дар Институти масъалаҳои об, гидроэнергетика ва экология озмоишгоҳи муштараки муҳити экологӣ ба истифода дода шуд
