Дар Душанбе ҷаласаи Шӯрои байниидоравӣ оид ба ҳамоҳангсозии фаъолият дар соҳаи сайёҳӣ баргузор гардид
ДУШАНБЕ, 17.10.2018. /АМИТ «ХОВАР» /. Имрӯз, 17 октябри соли 2018 дар шаҳри Душанбе таҳти раёсати муовини Сарвазири Ҷумҳурии Тоҷикистон Азим Иброҳим ҷаласаи навбатии Шӯрои байниидоравӣ оид ба ҳамоҳангсозии фаъолият дар соҳаи сайёҳии назди Ҳукумати Ҷумҳурии Тоҷикистон баргузор гардид.
Дар кори Шӯро роҳбарони вазорату идораҳо, роҳбарияти Вилояти Мухтори Кӯҳистони Бадахшон, вилоятҳои Суғду Хатлон, шаҳри Душанбе ва шаҳру ноҳияҳои тобеи ҷумҳурӣ, инчунин кормандони масъули Кумитаи рушди сайёҳӣ ва намояндагони ассотсиатсияву ширкатҳои сайёҳӣ иштирок намуданд.
Хабарнигори АМИТ «Ховар» иттилоъ медиҳад, ки дар ҷаласа роҳҳои амалисозии Стратегияи рушди сайёҳӣ дар Ҷумҳурии Тоҷикистон барои давраи то соли 2030, ки дар асоси Паёми Президенти Ҷумҳурии Тоҷикистон ба Маҷлиси Олӣ таҳия шуда, бо Қарори Ҳукумати Ҷумҳурии Тоҷикистон аз 1 августи соли 2018 тасдиқ гардидаанд, мавриди муҳокима қарор гирифт.
Бо мақсади таҳлили ҳамаҷонибаи самтҳои муҳими Стратегия раиси Кумитаи рушди сайёҳӣ Нуъмон Абдуғаффорзода зимни муаррифии он зикр намуд, ки Стратегияи рушди сайёҳӣ дар Ҷумҳурии Тоҷикистон барои давраи то соли 2030 ҳамчун ҳуҷҷати асосии рушди соҳа ҳадаф, вазифа ва самтҳои афзалиятноки рушди соҳаи сайёҳии кишварро барои давраи то соли 2030 муайян намуда, ба сифати унсури ташаккули нақшаҳо ва роҳнамои ташаббусҳои соҳибкории шаҳрвандон дар соҳаи сайёҳии кишвар нақши калидӣ дорад. Стратегия тавассути се барномаи миёнамуҳлат, ки ҳар яки он чорсолиро дар бар мегирад, татбиқ карда шуда, барои амалишавии он сармоягузориҳои давлативу хориҷӣ ҷалб карда мешаванд.
Дар рафти ҷаласа доир ба амалигардонии саривақтӣ ва босифати Стратегия андешаҳои роҳбарони вазорату идораҳо ва дигар иштирокдорон баён гардиданд.
Дар ҷаласаи Шўро ҳамзамон вобаста ба масъалаи иҷрои нақшаи чорабиниҳо бахшида ба Соли рушди сайёҳӣ ва ҳунарҳои мардумӣ, рафти амалишавии Барномаи рушди сайёҳӣ барои солҳои 2018-2020, татбиқи супоришҳои ҷаласаи якуми Шӯро гузориши роҳбарони вилоятҳо ва шаҳру ноҳияҳо шунида шуд.
Дар фароварди кори ҷаласаи Шўро баҳри бартарафсозии камбудию мушкилиҳои ҷойдошта ва иҷрои босифату пурраи нақшаи чорабиниҳои Соли рушди сайёҳӣ ва ҳунарҳои мардумӣ, инчунин татбиқи Стратегия ва Барномаи қабулшуда аз ҷониби муовини Сарвазири Ҷумҳурии Тоҷикистон, Раиси Шӯрои байниидоравӣ оид ба ҳамоҳангсозии фаъолият дар соҳаи сайёҳӣ дар назди Ҳукумати Ҷумҳурии Тоҷикистон Азим Иброҳим дастуру супоришҳои мушаххас дода шуд.
Ҷаласаи дуюми Гурӯҳи кории ҷумҳуриявӣ оид ба рушди сайёҳӣ, ҳунарҳои мардумӣ ва ташкилу назорати корҳои ободониву сабзазоркунӣ баргузор гардид
Дар Қатар инъикоси мавзеъҳои сайёҳии Тоҷикистон дар шабакаи иттилоотии «Ал-Ҷазира» баррасӣ шуд
САЙЁҲӢ ДАР ТОҶИКИСТОН СОҲАИ ОЯНДАДОР АСТ. Мулоҳизаҳои ректори Донишгоҳи байналмилалии сайёҳӣ ва соҳибкорӣ Убайдулло Асрорзода
РУШДИ САЙЁҲӢ. Дар ноҳияи дурдасти Мурғоб се меҳмонхонаи замонавӣ ба истифода дода шуд
Кумитаи рушди сайёҳии Тоҷикистон ва Корпоратсияи рушди сайёҳии Покистон дар асоси «Харитаи роҳ» ҳамкориро вусъат мебахшанд
«Стратегияи рушди Муассисаи давлатии «Донишгоҳи байналмилалии сайёҳӣ ва соҳибкории Тоҷикистон» барои давраи то соли 2040» таҳия гардид
ҶАШНИ ТИРГОН. Он ҳамчун воситаи маъмули сайёҳии миллӣ муаррифӣ гардид
Ҳайати Тоҷикистон дар Ҷаласаи гурӯҳи корӣ оид ба баланд бардоштани иқтидори сайёҳии минтақаи CAREC иштирок намуд
Тоҷикистон ва Ҳиндустон дар самти омода намудани мутахассисони соҳаи сайёҳӣ ҳамкориро густариш медиҳанд
«БАДАХШОН – ДАРВОЗАИ ТИЛЛОИИ ТОҶИКИСТОН». Суратгузориш аз Форуми сайёҳӣ дар шаҳри Хоруғ
«OH TAJIKISTAN». Дар Кумитаи рушди сайёҳӣ муаррифии видеролики таблиғотӣ доир гардид
ТОҶИКИСТОН — ШВЕЙТСАРИЯИ ДУЮМ. Меҳмонон ва иштирокдорони Конфронси оби Душанбе аз тамошои манзараҳои дилфиреби Варзоб, хусусан оби мусаффои дарёи Сиёма ангушти ҳайрат газиданд
