Дар вилояти Суғд доир ба фарҳанги таҳаммулпазирӣ конфронси ҷумҳуриявӣ оғоз гардид
ДУШАНБЕ, 24.10.2018 /АМИТ «Ховар»/. Имрӯз, 24 октябр дар шаҳри Хуҷанд бо ибтикори Маркази исломшиносӣ дар назди Президенти Ҷумҳурии Тоҷикистон, дар ҳамкорӣ бо Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон ва мақомоти иҷроияи ҳокимияти давлатии вилояти Суғд ба муносибати Соли рушди сайёҳӣ ва ҳунарҳои мардумӣ Конфронси ҷумҳуриявии илмӣ-амалӣ зери унвони «Фарҳанги таҳаммулпазирӣ ва одоби ҳамзистӣ дар ҷомеа» ба кори худ оғоз намуд.
Дар ин бора аз маркази матбуоти Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон хабар доданд.
Дар кори конфронс, ки бо ҳузури фаъолон, хизматчиёни давлатӣ ва намояндагони ташкилотҳои ҷамъиятӣ баргузор мегардад, Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода, Раиси вилояти Суғд Раҷаббой Аҳмадзода, Раиси Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон Сулаймон Давлатзода, Директори Маркази исломшиносӣ дар назди Президенти Ҷумҳурии Тоҷикистон Файзулло Баротзода сухан гуфтанд.
Нотиқон зимни суҳбат аҳамияти ташаккул ва тақвияти фарҳанги таҳаммулпазирӣ, инчунин ҳамзистии мусолиматомез дар ҷомеаро муҳим арзёбӣ карданд.
Дар назар аст, ки конфронси мазкур дар ҳудуди вилояти Суғд идома кунад.
Имрӯз дар Тоҷикистон ҳавои тағйирёбанда мешавад
Имрӯз дар Тоҷикистон ҳавои тағйирёбандаи бебориш пешгӯӣ карда мешавад
Таомҳои тоҷикӣ дар шаҳрҳои Федератсияи Русия ба таври шоиста муаррифӣ мегарданд
Имрӯз дар Тоҷикистон ҳавои камабри бебориш пешгӯӣ мешавад
Дар Ҳисор ҳамоиши минтақавии раисони шуроҳои ҷангу меҳнати шаҳру ноҳияҳои тобеи ҷумҳурӣ доир шуд
Имрӯз дар ноҳияҳои алоҳидаи Тоҷикистон туман мефарояд
«АСРИ ЗАРРИН»-И ТАЪРИХИ ТОҶИКОН. Замони давлатдории Сомониёнро муҳаққиқони илми таърих чунин ном гузоштаанд
Зуд, мувофиқ, осон: чат-боти «Доно» ба муштариён чӣ тавр кумак мерасонад
Дар Панҷакент филиали Муассисаи давлатии «Ташаккул ва рушди соҳибкории Тоҷикистон» ифтитоҳ гардид
Имрӯз дар Тоҷикистон ҳавои камабри бебориш пешгӯӣ мешавад
СОЛИ ОБОДКОРИЮ СОЗАНДАГӢ. Мактаб-интернати ятимон ва бепарасторони ноҳияи Муъминобод таъмир карда мешавад
Дар шаҳри Бӯстон барои баланд бардоштани сифати таҳсил ҳамоиш баргузор гардид
