Эмилиа Пума, муовини Ёвари Котиби давлатии ИМА: «Барои таҳқиқи ҳирфаии куштори сайёҳон дар Данғара ба Ҳукумати Ҷумҳурии Тоҷикистон миннатдорӣ баён мекунем»
ДУШАНБЕ, 24.10.2018 /АМИТ «Ховар»/. Ин нуктаро Ёвари Котиби давлатии Иёлоти Муттаҳидаи Амрико оид ба минтақаи Осиёи Ҷанубӣ ва Марказӣ Эмилиа Пума зимни нишасти матбуотӣ, ки имрӯз дар Душанбе баргузор гардид, зикр намуд.
Тавре хабарнигори АМИТ «Ховар» иттилоъ медиҳад, хонум Эмилиа Пума дар бораи ҳамкории Ҷумҳурии Тоҷикистон ва ИМА дар самти амният ва мудофиа сухан ронда, зикр намуд, ки ҷониби Амрико аз рафти тафтишот ва таҳқиқи ҳодисаи террористии дар минтақаи Себистони ноҳияи Данғара рухдода, ки сабаби кушта шудани 4 сайёҳи хориҷӣ, аз ҷумла ду шаҳрванди ИМА гардид, қонеъ аст ва миннатдории худро ба Ҳукумати Ҷумҳурии Тоҷикистон ва махсусан ба мақомоти тафтишотӣ ҷиҳати сари вақт ошкор ва дастгир намудани ҷинояткорон мерасонад.
«Зимни суҳбат бо намояндагони Ҳукумати Ҷумҳурии Тоҷикистон мо итминон ҳосил кардем, ки тафтишот ба таври зарурӣ пеш меравад ва намояндагони мақомоти Тоҷикистон омодагии худро барои ҳамкорӣ бо мақомоти ИМА иброз намуданд»,-зикр намуд Эмилиа Пума.
Инчунин хонум Эмилиа Пума таъкид намуд, ки Ҷумҳурии Тоҷикистон ва ИМА дар сатҳи байналмилалӣ аз сиёсати ҳамдигар дастгирӣ мекунанд. Ӯ гуфт: «Аз мулоқоту гуфтугӯҳо бо намояндагони мақомоти Тоҷикистон маълум гардид, ки онҳо омодаи ҳамкории бештар бо ИМА ҳастанд ва ин моро хурсанд намуд. Мо метавонем дар самтҳои сиёсӣ, ҳарбӣ-техникӣ ва амнияти минтақа ҳамкории судманд дошта бошем».
Ёдовар мешавем, ки дирӯз Вазири корҳои хориҷии Ҷумҳурии Тоҷикистон Сироҷиддин Муҳриддин низ бо муовини Ёвари Котиби давлатии Иёлоти Муттаҳидаи Амрико оид ба минтақаи Осиёи Ҷанубӣ ва Марказӣ Эмилиа Пума мулоқот анҷом дод. Дар ҷараёни суҳбат ҷонибҳо доираи васеи масъалаҳои густариши ҳамкории иқтисодию тиҷоратӣ, муколамаи сиёсӣ, гуманитарӣ ва амниятиро миёни ду давлат мавриди муҳокима қарор доданд.
Вазирони корҳои хориҷии Тоҷикистону Узбекистон мулоқот намуданд
Вазорати корҳои хориҷии Тоҷикистон аз шомил шудани бархе аз бонкҳои кишвар ба феҳристи таҳримҳои Иттиҳоди Аврупо изҳори нигаронӣ намуд
Сироҷиддин Муҳриддин бо Одрӣ Азуле масъалаҳои густариши ҳамкории Тоҷикистон ва ЮНЕСКО-ро баррасӣ намуданд
Дар Самарқанд нақши Тоҷикистон дар ҳалли мушкилоти тағйирёбии иқлим ва обшавии пиряхҳо таъкид карда шуд
Дар шаҳри Пусан ҳамкории Ҷумҳурии Корея бо кишварҳои Осиёи Марказӣ дар соҳаи сайёҳӣ баррасӣ шуд
Байни Тоҷикистон ва Арабистони Саудӣ Ёддошти тафоҳум оид ба ҳамкорӣ дар соҳаи мудофиаи гражданӣ ва ҳимоя ба имзо расид
Ҳайати Тоҷикистон дар Конфронси генералии ЮНЕСКО иштирок менамояд
Дар Минск мулоқоти муовинони вазирони корҳои хориҷии Тоҷикистон ва Ҳиндустон баргузор шуд
Бо ташаббуси Тоҷикистон ҳамоҳангии талошҳои ИДМ, СААД ва СҲШ дар мубориза бо тундгароӣ баррасӣ шуд
Дар Минск ҷаласаи навбатии Шурои намояндагони ваколатдори доимии ИДМ баргузор гардид
Намояндаи Тоҷикистон дар Конференсияи III байналмилалии Минск оид ба амнияти АвруОсиё иштирок намуд
Дар Риёз ҳамкории Тоҷикистон ва Арабистони Саудӣ дар бахши гуманитарӣ ва иҷтимоӣ баррасӣ шуд
