Дар Шуғнон мактаби нав бунёд гардид
ДУШАНБЕ, 17.11.2018 /АМИТ «Ховар»/. Бахшида ба 30 — солагиии Истиқлолияти давлатии Ҷумҳурии Тоҷикистон дар деҳаи Оқмаҳмади ҷамоати деҳоти Ванқалъаи ноҳияи Шуғнон муассисаи таҳсилоти миёнаи умумии рақами 53 мавриди истифода қарор гирифт. Бояд зикр кард, ки дар маҷмӯъ дар ҳудуди ҷамоати деҳоти Ванқалъа 14 муассисаи таълимӣ фаъолият доранд, ки 7 адади он дар замони соҳибистиқлолӣ бунёд шудаанд.
Сохтмони мактаби нави замонавӣ моҳи майи соли 2017 шурӯъ гардида, он бо харҷи беш аз 4 миллион сомонӣ қомат афрохт. Дар корҳои сохтмонии мактаби мазкур бинокорони соҳибтаҷрибаи ҶДММ «Стар-групп» ва 25 нафар сокинони маҳаллӣ ҷалб гардиданд. Ин боргоҳи илму маърифат дорои 9 синфхонаи муҷҷаҳаз бо тамоми лавозимоти хониш, маҷлисгоҳ барои 60 ҷойи нишаст ва ҳуҷраи омӯзгорон мебошад.
Дар маросими ифтитоҳи иншооти замонавӣ иҷрокунандаи вазифаи Раиси Вилояти Мухтори Кӯҳистони Бадахшон Ёдгор Файзов ва роҳбарияти Мақомоти иҷроияи ҳокимияти давлатии ноҳияи Шуғнон иштирок намуданд.
Зикр шуд, ки муассисаи қаблӣ аз чор синфхона иборат буда, соли 1958 бунёд шудааст. Он бо гузашти замон кӯҳнаю фарсуда гардида, барои омӯзгорону хонандагон мушкилоти зиёдро пеш оварда буд. Акнун бо сиёсати созандаи Ҳукумати Ҷумҳурии Тоҷикистон имкон даст дод, ки шарикони рушд дар самти бунёду навсозии иншооти соҳаи маориф дар ин гӯшаи дурдасти Тоҷикистони соҳибистиқлол ҳиссагузорӣ кунанд.
Бино ба маълумоти масъулин, дар маҷмӯъ дар ҳудуди ноҳияи Шуғнон 56 муассисаи таълимӣ мавҷуд аст, ки аз ин шумора 14 бинои он навсозӣ шудааст.
Зимни баромади роҳбарияти Мақмоти иҷроияи маҳаллии ҳокимияти давлатии ноҳияи Шуғнон иброз доштанд, ки бахшида ба таҷлили 30 — солагии Истиқлолияти давлатии Ҷумҳурии Тоҷикистон дар ноҳия 64 иншоот бо маблағи беш аз 60 миллион сомонӣ бунёд мешаванд. Соли равон бунёди 12 иншоот ба нақша гирифта шудаааст. Аз ин теъдод айни замон 7 иншоот расман ба истифода дода шудааст.
Пешвои миллат Эмомалӣ Раҳмон бо роҳбарону фаъолони вилояти Хатлон мулоқот намуданд
Пешвои миллат Эмомалӣ Раҳмон дар ноҳияи Данғара барои бунёди калонтарин Маркази савдо ва хизматрасонӣ санги асос гузоштанд
Президенти Ҷумҳурии Тоҷикистон Эмомалӣ Раҳмон ба бунёди бинои Мақомоти иҷроияи ҳокимияти давлатии ноҳияи Данғара санги асос гузоштанд
Сарвари давлат Эмомалӣ Раҳмон дар ноҳияи Данғара ба фаъолияти марҳилаи дуюми корхонаи муштараки «Муосир» оғози расмӣ бахшиданд
Пешвои миллат Эмомалӣ Раҳмон дар ноҳияи Данғара ба бунёди марҳилаи дуюми Маҷмааи парандапарварии «Мармарӣ» санги асос гузоштанд
Президенти Ҷумҳурии Тоҷикистон Эмомалӣ Раҳмон дар шаҳри Норак Маҷмааи гармхонаҳои ҶДММ «Гулнур»-ро ифтитоҳ намуданд
Сарвари давлат Эмомалӣ Раҳмон дар шаҳри Норак ба фаъолияти хатҳои истеҳсоли панҷараҳои оҳанин оғоз бахшиданд
Пешвои миллат Эмомалӣ Раҳмон дар шаҳри Норак корхонаи саноатии истеҳсоли обҳои нӯшокии «Глобал Инвест»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Норак 8 иншооти таъйиноти гуногунро ба таври фосилавӣ ба истифода доданд
Сарвари давлат Эмомалӣ Раҳмон агрегати №7-и Неругоҳи барқи обии «Норак»-ро баъд аз таъмиру навсозӣ ба истифода доданд
Ҳаҷми истеҳсоли маҳсулоти саноатӣ дар соҳаи коркард беш аз 20 фоиз зиёд шудааст
35-СОЛАГИИ ИСТИҚЛОЛИ ДАВЛАТӢ. Дар деҳаҳои Обигарм, Себистон ва Лолагии шаҳри Ҳисор кӯдакистону муассисаҳои таълимӣ бунёд мегарданд
