«Ташаббусҳои Президенти Ҷумҳурии Тоҷикистон-омили рушди бемайлони сайёҳӣ». Таҳти ин унвон дар Душанбе ҳамоиш доир гардид

Ноябрь 14, 2018 16:24

ДУШАНБЕ, 14.11.2018 /АМИТ «Ховар»/. Имрӯз дар шаҳри Душанбе бо ташаббуси Кумитаи рушди сайёҳии назди Ҳукумати Ҷумҳурии Тоҷикистон бахшида ба Рӯзи Президент ва ба фаъолият оғоз намудани агрегати аввали НБО «Роғун» таҳти унвони «Ташаббусҳои Президенти Ҷумҳурии Тоҷикистон — омили рушди бемайлони сайёҳӣ» ҳамоиш баргузор гардид. Дар ин бора ба АМИТ «Ховар» аз Кумитаи мазкур  хабар доданд.

Раиси Кумитаи рушди сайёҳӣ Нуъмон Абдуғаффорзода зимни ҳамоиши мазкур иброз дошт, ки Президенти кишвар ҳамчун сиёсатмадори сатҳи ҷаҳонӣ бо пешниҳоду ташаббусҳои байналмилалӣ дар сатҳи ҷаҳонӣ мақоми хосса дошта, ин маҳбубият на танҳо боиси боварию эътиқоди мардуми Тоҷикистон, балки ифтихори тамоми тоҷикони ҷаҳон аст.

Ҳукумати ҷумҳурӣ бо дастгириҳои доимии Асосгузори сулҳу ваҳдати миллӣ — Пешвои миллат муҳтарам Эмомалӣ Раҳмон аз рўзҳои нахустини Истиқлолияти давлатӣ бо мақсади тақвияти соҳаи сайёҳӣ иқдомҳоеро амалӣ намуд, ки барои рушди ин паҳлўи хоҷагии халқи ҷумҳурӣ комёбиҳои нав ба бор овард.

«Соҳаи сайёҳӣ яке аз соҳаҳои муҳими иқтисоди миллӣ, аз ҷумла заминаи мусоид барои таъсиси ҷойҳои корӣ, рушди соҳибкорӣ, муаррифи фарҳангу таърихи ғанӣ, иқлими созгор, обу кӯлҳо, чашмаҳои мусаффо ва шифобахш, меваҳои шаҳдбор, кӯҳҳои осмонбӯс, пиряхҳои азим, набототу ҳайвонот ва манзараҳои беназири табиат ба ҳисоб рафта, ҳамеша таҳти таваҷҷуҳи роҳбарияти олии давлат қарор дорад. Маҳз бо дастгирии Президенти мамлакат баҳри рушди соҳаи сайёҳӣ заминаи мусоид фароҳам оварда, пешниҳоди имтиёзҳои андозию гумрукӣ сабаби ҳавасмандгардонии соҳибкорони ватанию хориҷӣ ҷиҳати бунёди инфрасохтори соҳаи сайёҳӣ ва баланд бардоштани сатҳи хизматрасонӣ мегардад»,-иброз дошт раиси Кумитаи рушди сайёҳӣ.

Мавриди зикр аст, ки имсол ба Рӯзи Президент рост омадани санаи ба кор андохтани аввалин агрегати НБО «Роғун» басо рамзист. 16 ноябри соли ҷорӣ ҳамагон шоҳиди рўйдоди муҳими таърихӣ мегардем. Бо иштироки бевоситаи Президенти Ҷумҳурии Тоҷикистон, Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон агрегати якуми бузургтарин ва муҳимтарин иншооти гидроэнергетикии Тоҷикистон- Неругоҳи барқи обии “Роғун” дар фазои тантанавӣ ба кор андохта мешавад.

Ин неругоҳ имрўз ва фардои иқтисоди миллии кишварро ба танзим дароварда, ба рушди соҳаи муҳими ҷомеа, аз ҷумла рушди инфрасохтори сайёҳӣ таъсири амиқ мегузорад.

Дар идомаи ҳамоиш муовини Раиси Ҳаракати ваҳдати миллӣ ва эҳёи Тоҷикистон Рудобаи Мукаррам, мудири шуъбаи кор бо ҷавонони Ҳизби Халқии Демократии Тоҷикистон Илҳомҷон Ҳамидиён атрофи сулҳу суботи комил ва оромию осудагии диёр, ки маҳз бо талошҳои созандагию бунёдкоронаи Пешвои миллат дар даврони соҳибистиқлолии ҷумҳурӣ ба даст омаданд, сухан гуфтанд.

Дар анҷоми кори ҳамоиш миёни иштирокчиён доир ба мавзӯъҳои матраҳгашта ва ҷанбаҳои муҳими ташаббусҳои Пешвои миллат дар рушди соҳаи сайёҳии мамлакат мубодилаи афкор сурат гирифт.

Ноябрь 14, 2018 16:24

Хабарҳои дигари ин бахш

Ҳайати Экспедитсияи байналмилалии «Саёҳат ба қалби Авруосиё» ба шаҳри Душанбе расид
Водии «Ҳафткӯл» бо кӯлҳои рангоранг ва табиати афсункораш диққати сайёҳонро бештар ҷалб менамояд
Имсол ба Вилояти Мухтори Кӯҳистони Бадахшон беш аз 17 ҳазор сайёҳ ворид гардидааст
Душанбе — пойтахти Тоҷикистон ба яке аз шаҳрҳои пешрафтаи сайёҳии дунё табдил ёфтааст
Маконҳои таърихӣ, фарҳангӣ ва сайёҳии Тоҷикистонро беш аз 760 ҳазор сайёҳи хориҷӣ тамошо намуданд
Ҳамкории Тоҷикистон ва Амороти Муттаҳидаи Араб дар соҳаи сайёҳӣ густариш меёбад
Беш аз 100 корманди меҳмонхонаҳои Душанбе малакаю таҷрибаашонро такмил медиҳанд
Ҳайати экспедитсияи сайёҳии «Саёҳат ба қалби Авруосиё -2025» ба шаҳри Истаравшан омад
Байни Тоҷикистон ва Қирғизистон оид ба рушди соҳаи сайёҳӣ Созишнома ба имзо расид
Имсол ба вилояти Хатлон беш аз ним миллион сайёҳ ворид гардидааст
Байни ширкатҳои сайёҳии Тоҷикистон ва Қирғизистон 9 санади ҳамкорӣ ба имзо расид
Мавзеъҳои таърихӣ ва сайёҳии ноҳияи Дарвозро наздики 5000 сайёҳи дохиливу хориҷӣ тамошо намуданд