ОБУ ҲАВО: имрӯз дар Тоҷикистон ҳавои тағйирёбандаи бебориш дар назар аст

ДУШАНБЕ, 28.12.2018. /АМИТ «Ховар»/.  Имрӯз  дар ҷумҳурӣ ҳавои тағийрёбандаи бебориш    дар назар аст.  Дар ин бора аз Агентии обуҳавошиносии Тоҷикистон ба мухбири АМИТ «Ховар» иттилоъ доданд.

Ба иттилои манбаъ, имрӯз дар Вилояти Мухтори Кӯҳистони Бадахшон ҳавои тағйирёбанда дар назар аст. Ҳаво дар ғарби вилоят шабона -4-9  то  -13 дараҷа сард,  рӯзона 5+7,  дар шарқи ин вилоят шабона -21-26  ва рӯзона 10-15  дараҷа сард  мешавад.

Дар вилояти Суғд  низ ҳавои тағйирёбанда шуда,  шамол аз самти ғарб 3-8 метр ва дар баъзе ноҳияҳо то 13-18 метр  дар як сония мевазад.  Ҳаво дар водиҳо шабона -1+4  ва рӯзона аз  7+12  дараҷа гарм мешавад.

Дар вилояти Хатлон ҳавои абрноки  тағйирёбанда  шуда,    фаромадани туман дар назар аст. Ҳаво дар водиҳо шабона -2+3 ва рӯзона   11+16  дараҷа гарм хоҳад шуд.

Дар шаҳру ноҳияҳои тобеи марказ ҳавои тағйирёбанда    шуда, фаромадани туман  дар назар аст.    Ҳаво шабона -3+2  ва рӯзона     10+15  дараҷа гарм мешавад.

Дар шаҳри Душанбе ҳавои тағйирёбандаи бебориш шуда,    ҳарорат  шабона 0-2 дараҷа сард ва рӯзона 13+15 дараҷа гарм мешавад.