Эмомалӣ Раҳмон дар бораи ҷаҳони муосир ва сиёсати хориҷии Ҷумҳурии Тоҷикистон

Январь 23, 2019 11:27

ДУШАНБЕ, 23.01.2019. /АМИТ «Ховар»/. Китоби нав-маҷмӯаи суханрониҳои Пешвои миллат, Президенти Ҷумҳурии Тоҷикистон Эмомалӣ Раҳмон дар ҳаҷми 222 саҳифа бо забони русӣ дар нашриёти «Контраст»-и шаҳри Душанбе таҳти номи  «Дар бораи ҷаҳони муосир ва самтҳои асосии сиёсати хориҷии Ҷумҳурии Тоҷикистон» ба нашр расид.

Ба ҳамагон маълум аст, ки Эмомалӣ Раҳмон асосгузор ва   раҳбари сиёсати хориҷии Ҷумҳурии Тоҷикистон ва дипломатияи муосири тоҷик ба ҳисоб мераванд. Дар китоби нашршуда  бори аввал ҳамаи матнҳои марбут ба бахшҳои сиёсати хориҷии дар паёмҳои ҳамасолаи  Президенти Ҷумҳурии Тоҷикистон, Пешвои миллат Эмомалӣ Раҳмон ба Парлумони мамлакат аз солҳои 2000 то соли  2018  инъикосёфта  гирд оварда шудаанд.

Таҳқиқи онҳо ба хонандаи шавқманд имкон медиҳад, ки аз суханрониҳои  мустақими Сарвари давлат  бевосита оид ба асосҳои консептуалӣ, хислат, самтҳои асосӣ, масъалаҳои рӯзмарра ва ташаббуси байналмилалии сиёсати хориҷии Ҷумҳурии Тоҷикистон, иқтидори сиёсии хориҷии кишвар, таҳаввули доктринаи сиёсии хориҷӣ, афзалиятҳои асосии сиёсии хориҷӣ, хусусиятҳои хоси дипломатияи иқтисодӣ ва стратегияи иқтисодии хориҷии давлат барои худ  маълумот ба даст орад.

Маҷмӯаи президентӣ бо ташаббуси ҳайати таҳририяи «Народная газета»- нашрияи Ҳукумати Тоҷикистон ба табъ расидааст. Китобро муаллифи пешгуфтор — доктори илмҳои таърих, мушовири калони дастгоҳи Ёрдамчии  Президенти Ҷумҳурии Тоҷикистон оид ба масъалаҳои хориҷӣ Зафар Сайидзода ва номзади илмҳои сиёсӣ, сармуҳаррири рӯзномаи «Народная газета» Маҳбуба Камолова тартиб додаанд.

Шакли электронии нашрия дар сомонаи Китобхонаи миллии Тоҷикистон ҷойгир шуда, китобро аз китобхонаҳо ва мағозаҳои китоби пойтахти ҷумҳурӣ дастрас намудан мумкин аст.

Январь 23, 2019 11:27

Хабарҳои дигари ин бахш

Нишасти навбатии Гурӯҳи корӣ дар қолаби С5+Олмон баргузор гардид
Тоҷикистон аз созиши оташбас байни Исроил ва Эрон истиқбол менамояд
Сафири Тоҷикистон ба Президенти Малдив эътимоднома супорид
Дар Душанбе тақвияти ҳамкорӣ байни Тоҷикистон ва Қатар дар соҳаи иқтисоду тиҷорат баррасӣ шуд
Сироҷиддин Муҳриддин дар ҷаласаи вазирони корҳои хориҷии давлатҳои аъзои Созмони ҳамкории исломӣ иштирок намуд
Тоҷикистон зарбаҳои неруҳои ҳарбии ҳавоии Амрико ва Исроилро ба иншооти ҳастаии Эрон қатъиян маҳкум мекунад
Роҳбарони агентиҳои давлатии иттилоотии кишварҳои ИДМ дар Санкт-Петербург рушди ҳамкориро баррасӣ намуданд
Дар Душанбе Конфронси байналмилалӣ «Осиёи Марказӣ – меҳвари СҲШ: 25 соли ҳамкорӣ ба хотири рушди муштарак» доир гардид
Дар Корея аз иқдомҳои Тоҷикистон дар самти мубориза бо биёбоншавӣ ва хушкӣ ёдовар шуданд
Дар Душанбе машваратҳои сиёсӣ байни вазоратҳои корҳои хориҷии Тоҷикистон ва Венесуэла баргузор шуд
Байни давлатҳои Осиёи Марказӣ ва Чин Паймони ҳамсоягии абадӣ, дустӣ ва ҳамкорӣ ба имзо расид
Шараф Шерализода дар иҷлосияи 59-уми Шурои ҳуқуқи инсони СММ иштирок намуд