Кормандони мақомоти корҳои дохилӣ сокини пойтахтро бо гумони ташкили фоҳишахона дастгир намуданд

Январь 8, 2019 10:40

ДУШАНБЕ, 08.01.2018. /АМИТ «Ховар»/. Вазорати корҳои дохилии Ҷумҳурии Тоҷикистон аз боздошти як сокини пойтахт хабар медиҳад, ки дар ташкил ё нигаҳдошти фоҳишахона гумонбар дониста мешавад.

Тавре аз маркази матбуоти Вазорати мазкур хабар доданд, ҳангоми гузаронидани корҳои фаврӣ-ҷустуҷӯӣ аз ҷониби кормандони милитсия марди 26-солаи сокини кӯчаи Муҳаммадиеви пойтахт бо гумони ташкил ё нигаҳдошти фоҳишахона дастгир карда шуд.

«Гумонбаршаванда 6 январи соли 2019, тахминан соати 15:00, хонаи истиқоматии худро, ки дар кӯчаи Навбаҳор ҷойгир мебошад, ба фоҳишахона табдил додааст. Ӯ дар хонаи худ барои марди 29-солаи сокини ноҳияи Рӯдакӣ ва зани 27-солаи сокини шаҳри Ҳисор шароит фароҳам оварда, аз онҳо 150 сомонӣ маблағ ситонидааст», — илова намуд манбаъ.

Ба иттилои Вазорати корҳои дохилии мамлакат, номбурда 6 январи соли равон хонаи истиқоматиаш, воқеъ дар кӯчаи Н.Махсумро низ ба фоҳишахона табдил дода, дар он барои марди 19-сола ва зани 38-солаи сокинони шаҳри Душанбе шароит фароҳам овардааст. Ӯ аз онҳо барои ин кори худ 250 сомонӣ маблағ ситонидааст.

Мавриди зикр хос аст, ки 2 январи соли равон Президенти Ҷумҳурии Тоҷикистон муҳтарам  Эмомалӣ Раҳмон як қатор қонунҳо дар бораи ворид намудани тағйиру иловаҳо ба қонунҳои амалкунандаро ба имзо расониданд. Дар ин миён ба Кодекси  ҷиноятӣ ва Кодекси  ҳуқуқвайронкунии маъмурии Ҷумҳурии Тоҷикистон низ тағйиру иловаҳо ворид карда шуданд.

Аз ҷумла, ба моддаи 239 Кодекси ҷиноятӣ, ки ташкил ё нигаҳдошти фоҳишахонаҳо, даллагӣ ё занҷаллобӣ ном дорад, қисми 2 илова гардид. Тибқи он агар ҳамин кирдор такроран ё аз ҷониби гурӯҳи муташаккил содир шуда бошад, бо маҳрум кардан аз озодӣ ба муҳлати аз 5 то 8 сол ҷазо дода мешавад.

Ёдовар мешавем, ки аз рӯи ин ҳодиса парвандаи ҷиноятӣ оғоз гардида, корҳои тафтишотӣ идома доранд.

Январь 8, 2019 10:40

Хабарҳои дигари ин бахш

Дар ноҳияи Дарвоз истеҳсоли картошка 3 баробар, сабзавот 5 ва мева 9 баробар афзоиш ёфтааст
РАҚАМИКУНОНӢ. Маркази тамос барои хизматрасонӣ ба нафақагирон тавассути рақами кутоҳи 3900 фаъол гардид
ТАҒЙИРЁБИИ ИҚЛИМ. Чӣ гуна худ ва атрофиёнро аз чангу ғубор муҳофизат намоем?
МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад