ОБУ ҲАВО: имрӯз дар Тоҷикистон боридани борон ва барф дар назар аст
![](https://khovar.tj/wp-content/uploads/2018/10/pogoda-havo-pylya-bod.jpg)
ДУШАНБЕ, 04.01.2019. /АМИТ «Ховар»/. Имрӯз дар ҷумҳурӣ ҳавои тағйирёбанда шуда, боридани борон ва барф дар назар аст. Дар ин бора аз Агентии обуҳавошиносии Тоҷикистон ба АМИТ «Ховар» иттилоъ доданд.
Ба иттилои манбаъ, имрӯз дар Вилояти Мухтори Кӯҳистони Бадахшон ҳавои тағйирёбанда шуда, боридани борон ва гузаштани он ба барф дар назар аст. Ҳаво дар ғарби вилоят шабона 6-11 ва рӯзона 2-3 дараҷа сард мешавад. Дар шарқи вилоят ҳарорат шабона 18-23 ва рӯзона 4-9 дараҷа сард мешавад.
Дар вилояти Суғд низ ҳавои тағйирёбанда пешгӯӣ шуда, боридани борон ва барф дар назар аст. Шамол аз самти ғарб 3-8 ва дар баъзе ноҳияҳо то 10-15 метр дар як сония мевазад. Ҳаво дар водиҳо шабона ва рӯзона 0-5 дараҷа гарм шуда, дар кӯҳҳо ҳарорат шабона 3-8 ва рӯзона 2-3 дараҷа сард мешавад.
Дар вилояти Хатлон боридани борон ва барф пешгӯӣ шуда, дар баъзе ноҳияҳо шиддатёбии он дар назар аст. Ҳаво дар водиҳо шабона ва рӯзона 3-8 дараҷа гарм шуда, дар доманакӯҳҳо ҳарорат ба -1+4 дараҷа мерасад.
Дар шаҳру ноҳияҳои тобеи марказ низ боридани борон ва барф дар назар аст. Ҳаво дар водиҳо шабона -4+4 ва рӯзона 4-9 дараҷа гарм мешавад. Дар баландкӯҳҳо ҳарорат шабона 1-6, инчунин то 10 ва рӯзона 1-4 дараҷа сард мешавад.
Дар шаҳри Душанбе рӯзона борон борида, шабона боридани барфи тар дар назар аст. Ҳаво шабона 1-3 ва рӯзона 6-8 дараҷа гарм мешавад.