Паёми Пешвои миллатро гумрукчиёни мамлакат сармашқи кори худ қарор додаанд
ДУШАНБЕ, 24.01.2019 /АМИТ «Ховар»/. Кормандони Хадамоти гумруки назди Ҳукумати Ҷумҳурии Тоҷикистон Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро сармашқи фаъолияти худ қарор дода, ҷиҳати рушди самтҳои асосии фаъолияти мақомоти гумрук ва ноил гардидан ба пешрафти устувор саъю талош менамоянд. Ин нукта дар ҷамъомаде, ки дирӯз бахшида Паёми Пешвои миллат дар Хадамоти гумрук доир гардид, иброз дошта шуд.
Дар ҷамъомад, ки ҳайати шахсии дастгоҳи марказии Хадамоти гумрук иштирок дошт, муовини сардори Хадамоти гумруки назди Ҳукумати ҷумҳурӣ Изатулло Ҳурматзода ва сардори Раёсати тафтишотии Агентии назорати давлатии молиявӣ ва мубориза бо коррупсияи ҷумҳурӣ Қутбиддин Сафарзода сухан карданд. Гуфта шуд, ки Паёми Пешвои миллат ба Маҷлиси Олӣ дар даврае пешниҳод гардид, ки ҷумҳуриамон вориди марҳилаи рушд гардида, ба сӯи бунёдкорию созандагӣ қадамҳои устувор мегузорад.
Зикр шуд, ки соли 2018 барои Тоҷикистон соли комёбиҳо буд. Паёми соли 2017 ба санае рост омад, ки Созмони Милали Муттаҳид (СММ) пешниҳоди Тоҷикистонро дар мавриди эълон намудани Даҳсолаи нави байналмилалии амал «Об барои рушди устувор» қабул намуда буд. Паёми навбатии Президенти Ҷумҳурии Тоҷикистон ҳамчун ҳуҷҷати муҳими барномавӣ, сиёсию ҳуқуқӣ, иқтисодию иҷтимоӣ ва фарҳангӣ шинохта шуда, ифодакунандаи нуқтаи назари Сарвари давлат ба рушду таҳкими соҳаҳои гуногуни иқтисодиёти кишвар маънидод мегардад.
Дар ҷамъомад гуфта шуд, ки Пешвои миллат дар Паёмашон доир ба афзоиши хатари терроризм ва экстремизм дар ҷаҳони муосир ва оқибатҳои ногувори ин таҳдидҳоро таъкид намудаанд. Аз ин рӯ, мақомоти ҳифзи ҳуқуқ ва сохторҳои низомӣ вазифадор карда шуданд, ки бо ҳушёриву зиракии сиёсӣ ва баланд бардоштани донишу малакаи касбӣ муборизаро бар зидди терроризм ва экстремизм, зуҳуроти ҷинояткории муташаккили фаромилӣ, қочоқу муомилоти ғайриқонунии маводи мухаддир, инчунин пешгирии шомилшавии шаҳрвандони мамлакат ба созмону ҳаракатҳои террористию экстремистӣ ва дигар қонунвайронкуниҳо тақвият бахшанд.
Сарвари давлат: «Ҳар як фарди ҷомеа вазифадор аст, ки моҳияту аҳаммияти Конститутсияро ба фарзандони худ ҳанӯз аз хурдсолӣ фаҳмонад»
Эмомалӣ Раҳмон: «Маҳз ба шарофати Конститутсия ва амалӣ шудани меъёрҳои он дар Тоҷикистон фазои орому осуда муҳайё гардид»
Президенти Тоҷикистон: «Конститутсия соҳибистиқлолии халқи моро ба расмият дароварда, асосҳои бунёдии ҷомеа ва давлати навини тоҷиконро муайян намуд»
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
Президенти Тоҷикистон: «Гузариш ба иқтисоди «сабз» барои ҷомеаи ҷаҳонӣ баҳри ҳаллу фасли масоили иҷтимоӣ имконоти зиёд фароҳам меоварад»
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
