Сафири Тоҷикистон ба Президенти Ҷумҳурии Ироқ Эътимоднома супорид
ДУШАНБЕ, 09.01.2019 /АМИТ «Ховар»/. Сафири Фавқулода ва Мухтори Ҷумҳурии Тоҷикистон дар Ҷумҳурии Ироқ Зубайдулло Зубайдзода 8 январи соли 2019 дар Қасри Саломи шаҳри Бағдод Эътимодномаи худро ба Президенти Ҷумҳурии Ироқ Бархам Аҳмад Солеҳ супорид. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.
Баъд аз маросими супоридани Эътимоднома мулоқоти Сафир бо Президенти он кишвар сурат гирифт.
Нахуст Сафир паёми Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба ҳамтои ироқиашон расонида, аз номи Ҳукумат ва мардуми Тоҷикистон пирӯзии Ироқро ба гурӯҳи террористии ДИИШ табрику таҳният намуд.
Президенти Ҷумҳурии Ироқ дар навбати худ ба Роҳбарият ва мардуми тоҷик изҳори сипос намуда, Сафирро ба муносибати таъйин шуданаш ба ин мансаб шодбош гуфта, аз Зубайдулло Зубайдзода даъват ба амал овард, ки баҳри тақвияти муносибатҳои дуҷониба саъю талоши бештар дошта бошад.
Ҳамчунин зимни мулоқот масъалаи густариши ҳамкорӣ дар тамоми арсаҳои ҳаётан муҳим бо дарназардошти манфиатҳои дуҷониба баррасӣ гардид.
Муовини Сарвазири Тоҷикистон дар Форуми ҷаҳонии парасторон дар шаҳри Мадрид иштирок намуд
Дар Душанбе рушди муносибатҳои дуҷонибаи Тоҷикистону Чин баррасӣ гардид
Намояндаи Тоҷикистон бо Раиси Шурои иқтисодӣ ва иҷтимоии Созмони Милали Муттаҳид мулоқот намуд
Дар Душанбе ҷаласаи Комиссияи миллии Ҷумҳурии Тоҷикистон оид ба корҳои ЮНЕСКО баргузор гардид
Масъалаҳои афзалиятноки ҳамкории Тоҷикистону Олмон дар соҳаи иқтисод баррасӣ гардиданд
Дар Анқара рушди ҳамкории иқтисодию тиҷоратии Тоҷикистон ва Туркия баррасӣ гардид
Ҷаласаи раёсати Комиссияи миллии Ҷумҳурии Тоҷикистон оид ба корҳои ЮНЕСКО оғоз гардид
Дар Душанбе ҳамкории Тоҷикистон ва Иёлоти Муттаҳидаи Амрико баррасӣ гардид
Дар шаҳри Берлин муколамаи сиёсӣ байни Тоҷикистон ва Олмон баргузор гардид
Сафири Тоҷикистон бо мудири кулли Вазорати корҳои аврупоӣ ва хориҷии Австрия мулоқот намуд
«ТОҶИКИСТОН — ВАТАНИ АЗИЗИ МАН». Дар ин озмуни ҷумҳуриявӣ киҳо иштирок карда наметавонанд?
Ҳайати Тоҷикистон дар Ҳамоиши ҳамкории кишварҳои Осиёи Марказӣ-Ҷумҳурии Корея дар соҳаи маориф иштирок намуд
