Ба истифода додани манораи танзимӣ кафолати таъмини бехатарии парвозҳост
ДУШАНБЕ, 18.02.2019/АМИТ «Ховар»/. Интизор меравад, ки моҳҳои май-июни соли равон дар Фурудгоҳи байналмилалии Душанбе манораи назорати танзими идораи ҳаракати ҳавоӣ, ки алҳол сохтмонаш идома дорад, ба истифода дода шавад.
Бинобар иттилои директори Агентии авиатсияи граждании назди Ҳукумати Ҷумҳурии Тоҷикистон Икром Субҳонзода, корҳои сохтмонии манораи танзимкунанда дар Фурудгоҳи байналмилалии Душанбе моҳи марти соли 2018 оғоз гардида буданд. Ин иншооти муҳими аэронавигатсионӣ дар доираи татбиқи лоиҳаи грантӣ, ки дар асоси Созишномаи байни Ҳукумати Ҷумҳурии Тоҷикистон ва Ҳукумати Ҷумҳурии Франсия бунёд мегардад, ҷиҳати таъмини бехатарии ҳаракати ҳавоӣ ва рушди соҳаи аэронавигатсияи кишварамон нақши муассир мегузорад. Бо бунёди манораи танзимӣ, ки баландиаш 41 метрро ташкил медиҳад, биниши танзимгарон дучанд гардида, таъмини бехатарии парвозҳо дар арсаи байналмилалӣ дар бахши авиатсияи ҳавопаймоии мамлакат тақвият меёбад.
Бунёди манораи назорати танзими идораи ҳаракати ҳавоӣ дар Фурудгоҳи байналмилалии Душанбе дар ҳолест, ки моҳи июн ва сентябри соли гузашта дар Фурудгоҳи байналмилалии Душанбе ду иншооти муҳим, ки ба рушди авиатсияи миллӣ муосидат менамоянд- терминали боркашонӣ ва толори қабули меҳмонони расмӣ, ки ҷавобгӯи сатҳи баланди хизматрасонии байналмилалӣ мебошанд, ба истифода дода шуданд.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
