Баррасии ҷалби сайёҳони араб ба Тоҷикистон дар Саудӣ

ДУШАНБЕ, 14.02.2019 /АМИТ «Ховар»/. Сафири Фавқулода ва Мухтори Ҷумҳурии Тоҷикистон дар Шоҳигарии Арабистони Саудӣ Заробиддин Қосимӣ бо Мудири кулли агентиҳои сайру саёҳати Шарқи Миёна Саъд Аладвонӣ дар қароргоҳи Сафорат мулоқот намуд. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

Дар вохӯрӣ роҳҳои ҷалби сайёҳони араб ба Тоҷикистон ва шинос намудани кишвари биҳиштосои мо ба ҷаҳониён баррасӣ шуд.

Тасмим гирифта шуд, ки сафари гурӯҳи калони намояндагони воситаҳои ахбори оммаи кишварҳои арабӣ моҳи марти соли 2019 ба шаҳри Душанбе ба роҳ монда шавад.