ҲИФЗИ ВАТАН ШАРАФ АСТ! Шумораи ҷашнии маҷаллаи «Родмардони Ватан» ба нашр расид
ДУШАНБЕ, 23.02.2019/АМИТ «Ховар»/. Бахшида ба Рӯзи таъсиси Артиши миллӣ шумораи ҷашнии маҷаллаи ҳарбию ватанпарастии Гвардияи миллии Ҷумҳурии Тоҷикистон «Родмардони Ватан» ба нашр расид.
Дар нашри ҷашнии маҷаллаи «Родмардони Ватан» гузоришу мақолаҳо аз дастовардҳои афсарону сарбозони шуҷои Гвардияи миллӣ дар самти тайёрии ҷангӣ ва фаъолияти ин сохтори қудратии мамлакат ҷой дода шудаанд. Инчунин мақолаҳои «Паёми Президент –кафолати зиндагии шоиста», «Роғун ҳадафи стратегии кишвар» ва дигар гузоришу лавҳа аз ҳаёти сарбозону афсарони Гвардияи миллии Ҷумҳурии Тоҷикистон ва шеърҳои ватандӯстона муҳтавои маҷаллаи ҷашнии «Родмардони Ватан»-ро мукаммал гардонидаанд.
Мавриди зикр аст, ки Қувваҳои Мусаллаҳи Ҷумҳурии Тоҷикистон яке аз дастовардҳои муҳимтарини Истиқлолияти давлатии Ҷумҳурии Тоҷикистон буда, зарфи 26 соли фаъолият дар ҳифзи марзу буми аҷдодӣ, пойдории давлат, таъмини амнияту зиндагии осоишта ва суботи ҷомеа вазифаҳои пуршараф иҷро намудаанд.
Мусаллам аст, ки Артиши миллии Тоҷикистон дар шароити ниҳоят мураккаби сиёсӣ ва иҷтимоии кишвар таъсис дода шуда, аз санҷишҳои шадид гузашта, давра ба давра такмил ёфт. Батадриҷ дар ҳайати он сохтор ва навъҳои гуногуни қӯшун таъсис дода шуд. Имрӯз бо ифтихор гуфта метавонем, ки Артиши миллии Тоҷикистон неруи тавонову разманда аст. Таҳаввуллоти замон, таҷрибаи сулҳофар ва рӯҳияи ватанхоҳии сарбозону афсарони Қувваҳои Мусаллаҳи мамлакат Артиши миллиро ба сипари боэътимоди давлату миллат табдил дод.
Гвардияи миллии Ҷумҳурии Тоҷикистон як рукни асосӣ ва хеле муҳими Артиши миллии Ҷумҳурии Тоҷикистон маҳсуб ёфта, ҳайати шахсии он дар пойдории аркони давлат ва ҳифзу таҳкими Истиқлолияти давлатиии Ҷумҳурии Тоҷикистон саҳми арзанда доранд. Хизматҳои шоистаи афсарону сарбозони Гвардияи миллии Ҷумҳурии Тоҷикистон аз ҷониби Ҳукумати Ҷумҳурии Тоҷикистон пайваста қадрдонӣ карда мешаванд. Дар ин замина таъминоти моддиву техникӣ, шароит ва вазъи иҷтимоии хизматчиёни ҳарбӣ сол аз сол беҳтар шуда истодааст, ки аз фазои сулҳу амният ва файзи истиқлоли мамлакат сарчашма мегирад.
Марзия САИДЗОДА ,
АМИТ «Ховар»
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
