Тақвими бозиҳои дастаи мунтахаби олимпии Тоҷикистон мушаххас шуд
ДУШАНБЕ, 18.02.2018. /АМИТ «Ховар»/. Тақвими бозиҳои дастаи мунтахаби олимпии Тоҷикистон дар бозиҳои интихобии Чемпионати Осиё, ки аз 22 то 26 марти соли равон дар шаҳри Тошканди Ҷумҳурии Ӯзбекистон мегузаранд, мушаххас гардид.
Ба ҳамин тартиб, футболбозони тоҷик дар аввалин вохӯрӣ -22 март дар варзишгоҳи «Локомотив»-и шаҳри Тошканд бо олимпичиёни Ҳиндустон вориди майдон мешаванд. Оғози бозӣ соати 15:00 дар назар аст.
Дар даври дуюм- 24 март шогирдони Усмон Тошев бо дастаи мунтахаби Покистон дар варзишгоҳи «Локомотив» ва 26 март бо ҳамсолонашон аз Ӯзбекистон дар варзишгоҳи «Пахтакор» қувва месанҷанд.
Тибқи низомномаи мусобиқа, 11 дастаи ғолиби гурӯҳҳо ва 4 дастаи беҳтарини ҷои дуюм ба бозиҳои финалии Чемпионати Осиё, ки аз 8 то 26 январи соли 2020 дар Таиланд мегузаранд, роҳхат мегиранд.
Дар сурати соҳиби ҷои аввал шудан ё ба қатори 4 дастаи беҳтарини зинаи дуюм ҷойгир шудани мизбони бозиҳо-дастаи мунтахаби Таиланд дастаи панҷуми беҳтарини ҷои дуввум ҳуқуқ пайдо мекунад, ки дар бозиҳои ниҳоӣ ширкат варзад.
Пас аз ҷамъбасти Чемпионати Осиё се дастаи беҳтарини қитъа ҳаққи ширкат дар Бозиҳои олимпии соли 2020-ро, ки дар Япония мегузаранд, пайдо менамоянд.
Чемпионати Осиё-2020 байни дастаҳои мунтахаби то 23-сола (U-23)
Бозиҳои интихобӣ
Гурӯҳи «F»: Ӯзбекистон (мизбон), Тоҷикистон, Ҳиндустон, Покистон.
Даври 1
22 март (ҷумъа)
15:00 – Тоҷикистон – Ҳиндустон. Варзишгоҳи «Локомотив»
17:00 – Ӯзбекистон – Покистон. Варзишгоҳи «Пахтакор»
Даври 2
24 март (якшанбе)
15:00 – Покистон – Тоҷикистон. Варзишгоҳи «Локомотив»
17:00 – Ҳиндустон – Ӯзбекистон. Варзишгоҳи «Пахтакор»
Даври 3
26 март
26 март (сешанбе)
15:00 – Ҳиндустон – Покистон. Варзишгоҳи «Локомотив»
17:00 – Ӯзбекистон – Тоҷикистон. Варзишгоҳи «Пахтакор»








Дар Душанбе ҷаласаи Кумитаи футзали Федератсияи футболи Тоҷикистон баргузор шуд
Варзишгарони тоҷик аз мусобиқаҳои байналмилалӣ 958 медал ба даст оварданд
ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд






