То ҷашни Наврӯзи хуҷастапай дар Ҷамоати деҳоти Қиблаии ноҳияи Рӯдакӣ чор иншоот ба истифода дода мешаванд
РӮДАКӢ, 26.02.2019. /АМИТ «Ховар»/. Дар асоси дастуру супоришҳои Ҳукумати Ҷумҳурии Тоҷикистон то ҷашни 30-солагии Истиқлолияти давлатӣ дар тамоми деҳоти мамлакат корҳои ободониву бунёдкорӣ васеъ ба роҳ монда мешаванд. Давоми се соли минбаъда дар ҳар як деҳа ва маҳалли аҳолинишини ҷумҳурӣ коргоҳҳои дӯзандагӣ, майдончаҳои варзишӣ, қасрҳои фарҳанг, бунгоҳҳои тиббӣ, ҳаммом, сартарошхона, кошонаи ҳусн, пулҳо, марказҳои савдо ва боғҳои фарҳангию фароғатӣ бунёд карда мешаванд.
Бахшида бо ин ҷашни миллӣ то имрӯз дар ҳудуди ҷамоати деҳоти Қиблаии ноҳияи Рӯдакӣ се адад хати оби нӯшокӣ, як пул бо дарозии 12 метр ва ду синфхонаи иловагӣ мавриди истифода қарор гирифтанд. Раиси ҷамоати Қиблаӣ Қандилҷон Каримов иброз дошт, ки сокинони баъзе аз деҳаҳои ҷамоат ба мушкилии нарасидани оби нӯшокӣ гирифтор буданд. Хушбахтона, соли 2018 корҳои сохтмонии хатти оби нӯшокии деҳаи Лойоб дар масофаи 5 км барои 220 хоҷагӣ ва як муасисаи таълимӣ, хатти оби нӯшокии деҳаи Қулписта аз масофаи 8 км барои 340 хоҷагӣ, оби нӯшокии деҳаи Ҷаландар аз масофаи 2,5 км барои 90 хоҷагӣ ва пули деҳаи Ҷаландар бо дарозии 12 метр ба итмом расида, мавриди баҳрабардории сокинон қарор гирифтанд.
Ҷамоати Қиблаӣ аз нуҳ деҳа иборат мебошад, ки айни замондар ҳудуди он бо ташаббуси соҳибкорон се ҳаммоми замонавӣ ва се сартарошхона фаъолият дорад. Дар назар аст, ки масъулини ҷамоати Қиблаӣ тибқи нақша дар муддати се сол 14 синфхонаи иловагӣ, як ҳаммоми замонавӣ, як сартарошхона, се бунгоҳи тиббӣ, хобгоҳ барои омӯзгорон ва хатти оби нӯшокии деҳаи Охтоқро аз масофаи 5,5 км барои 470 хоҷагӣ ба истифода диҳанд.
Сокинони ҷамоат қисми зиёди корҳои сохтмониро тариқи ҳашарҳои дастаҷамъона иҷро менамоянд. Ҳамзамон дар маблағгузории сохтмонҳои ба шарафи ҷашни миллӣ бунёдшаванда соҳибкорону сокинон саҳми арзанда мегузоранд.
Ин аст, ки то ҷашни Наврӯзи байналмилалӣ дар ҳудуди ҷамоат 4 иншоот, аз ҷумла се бунгоҳи тиббӣ ва як хобгоҳи омӯзгорон ба истифода дода мешаванд.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
