Ба истифода супоридани боғчаи бачагонаи «Гули наврӯзӣ» дар шаҳри Бӯстон

Март 30, 2019 09:14

ДУШАНБЕ, 30.03.2019 /АМИТ «Ховар»/. Имрӯз Асосгузори сулҳу ваҳдати миллӣ — Пешвои милат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Бӯстони вилояти Суғд Муассисаи таҳсилоти томактабии хусусии «Гули наврӯзӣ»-ро, ки аз ҷониби соҳибкорон таъмиру навсозӣ шудааст, дар вазъияти тантанавӣ мавриди баҳрабардорӣ қарор доданд.

Бунёди кӯдакистони мазкур дар рӯзҳои таҷлили иди Наврӯзи байналмилалӣ беҳтарин туҳфаи Пешвои миллат ба сокинон ва кудакони шаҳр гардид.

Дар ин ҷо ба Сарвари давлат иттилоъ дода шуд, ки бинои кудакистон аз ду ошёна иборат буда, барои таълиму тарбияи 240 нафар пешбинӣ гардидааст. Акнун дар ин муассисаи наву замонавӣ, ки дорои тамоми шароити муосир мебошад, фарзандони сокинони шаҳр дар 7 гуруҳ ба тарбия фаро гирифта мешаванд.

Дар кудакистон утоқи тиббӣ, толори мусиқӣ ва ошхона мавҷуд буда, раванди таълиму тарбия бо ду забон, тоҷикӣ ва русӣ сурат мегирад.

Масоҳати умумии кудакистон 1434 метри мураббаъро дар бар гирифта, дар кутоҳтарин фурсат азнавсозӣ гардидааст.

Масоҳати худи боғча 0,3 гектарро ташкил намуда, дар саҳни ҳавлии он беш аз 10 ҳазор дона гулҳои мавсимӣ шинонида шудааст, ки ба ҳусни зоҳирии бино зебогии дигар зам намудааст. Қобили қайд аст, ки ҳангоми таъмиру навсозии бино сокинони маҳаллӣ ба кор ҷалб гардиданд.

Аснои шиносоӣ бо синфхонаҳои кудакистон Пешвои миллат муҳтарам Эмомалӣ Раҳмон иқдоми пешгирифтаи соҳибкоронро саривақтию муфид арзёбӣ карда, аз мураббиён даъват ба амал оварданд, ки бо истифода аз чунин шароити мусоид, баҳри дар руҳияи ватандӯстӣ тарбия намудани насли ояндасози миллат бо таваҷҷуҳи бештар саҳми арзанда гузоранд.

Айни замон «Гули наврӯзӣ» дар шаҳр ягона муассисаи таълимии томактабие ба ҳисоб меравад, ки дар доираи омодагиҳо ба ҷашни умумимиллӣ — 30 — солагии Истиқлолияти давлатии Ҷумҳурии Тоҷикистон аз ҷониби соҳибкорони ватандӯст сохта шудааст.

Ба истифода супоридани боғчаи бачагонаи “Гули Наврӯз” дар шаҳри Бӯстон 30.03.2019

Март 30, 2019 09:14

Хабарҳои дигари ин бахш

Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар вохӯрӣ бо бунёдгарони НБО «Роғун»
Пешвои миллат Эмомалӣ Раҳмон бо кормандони НБО «Роғун» ва фаъолони шаҳри Роғун мулоқот намуданд
Сарвари давлат Эмомалӣ Раҳмон дар НБО «Роғун» бо ҷараёни корҳои сохтмонӣ дар нақби сохтмонии қабати чорум шинос шуданд
Президенти Ҷумҳурии Тоҷикистон Эмомалӣ Раҳмон бо раванди корҳо дар майдончаи сохтмонии №5А-и НБО «Роғун» шинос шуданд
Пешвои миллат Эмомалӣ Раҳмон бо ҷараёни корҳо дар сарбанди рӯди Оби Шӯри НБО «Роғун» шинос шуданд
Сарвари давлат Эмомалӣ Раҳмон бо ҷараёни корҳо дар баромадгоҳи нақби нақлиётии НБО «Роғун» дар баландии 1300 метр аз сатҳи баҳр шинос шуданд
Президенти Ҷумҳурии Тоҷикистон Эмомалӣ Раҳмон бо рафти корҳо дар обқабулкунаки доимии НБО «Роғун» шинос шуданд
Пешвои миллат Эмомалӣ Раҳмон бо ҷараёни корҳо дар нақбҳои обрасони №1 ва 2-и НБО «Роғун» шинос шуданд
Сарвари давлат Эмомалӣ Раҳмон бо ҷараёни корҳои сохтмонӣ дар сарбанди НБО «Роғун» шинос шуданд
Президенти Ҷумҳурии Тоҷикистон Эмомалӣ Раҳмон дар шаҳри Роғун хати оби нӯшокиро ба истифода доданд
Пешвои миллат Эмомалӣ Раҳмон роҳи таъмиру навсозишуда аз гардиши Роғун – Оби гарм то маркази шаҳри Роғунро ба истифода доданд
Сарвари давлат Эмомалӣ Раҳмон ба фаъолияти роҳи Роғун-Обигарм-Нуробод оғоз бахшиданд