Дар Қатар маҳсулоти занбӯрпарварони тоҷик муаррифӣ гардид
ДУШАНБЕ, 04.03.2019 /АМИТ «Ховар»/. Аз 28 феврали соли 2019 дар Давҳа-пойтахти Давлати Қатар Намоишгоҳи дуюми байналмилалии асал ба кори худ оғоз кард. Дар ғурфаҳои он маҳсулоти хоҷагиҳои занбӯрпарварии Ҷумҳурии Тоҷикистон низ ба намоиш гузошта шудаанд.
Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, дар ҳамкорӣ бо Сафорати Ҷумҳурии Тоҷикистон дар Давлати Қатар ва ҶДММ «Ганҷ -2013» Корхонаи воҳиди давлатии занбӯрпарварии «Асали Тоҷикистон» навъҳои маъруфи асали табобатӣ ва ғизоиро, ки дар ноҳияҳои гуногуни Тоҷикистон ҷамъоварӣ шудаанд, муаррифӣ менамояд.
Дар ҳошияи намоишгоҳ якчанд мулоқоту гуфтушунидҳои судманди ҳайати Тоҷикистон бо соҳибкорон ва роҳбарони ширкатҳои тиҷоратии Қатар сурат гирифтанд. Зимни онҳо ҳамкории тиҷоратӣ, сармоягузорӣ, роҳҳои содироти асал ва дигар маҳсулоти соҳаҳои кишоварзии Ҷумҳурии Тоҷикистон ба Давлати Қатар баррасӣ шуданд.
Намоишгоҳи байналмилалии асал дар Давҳа бо ҳузури 124 хочагии занбӯрпарвар аз 20 кишвари ҷаҳон ва 45 ширкати тиҷоратии Давлати Қатар, ки ба воридоти асал ва маҳсулоти кишоварзӣ машғуланд, то 7 марти соли 2019 идома меёбад.








Дар Душанбе ҳамкории Тоҷикистон ва Иёлоти Муттаҳидаи Амрико баррасӣ гардид
Директори АМИТ «Ховар» бо Сафири Туркия дар Тоҷикистон вохӯрӣ намуд
Дурнамои рушди ҳамкории Тоҷикистону Умон дар самтҳои иқтисоду тиҷорат баррасӣ гардид
Сафири Тоҷикистон бо муовини парлумонии Вазири корҳои хориҷии Ҷопон мулоқот намуд
Донишҷӯёни тоҷик дар Донишгоҳи Кувайт тавассути бурсия таҳсил менамоянд
Рӯзи Президенти Ҷумҳурии Тоҷикистон ва 15-солагии ифтитоҳи бинои Сафорат дар шаҳри Берлин таҷлил гардид
Сарвазири Покистон бо Вазири корҳои хориҷии Тоҷикистон вохӯрӣ намуд
Ҳайати Тоҷикистон дар ҷаласаи вазирони корҳои хориҷии Созмони ҳамкории иқтисодӣ иштирок намуд
Сафири Тоҷикистон бо Мудири кулли идораи амлок ва абнияи вазорати корҳои хориҷии Эрон вохӯрӣ намуд
Дар Сеул Рӯзи Президенти Ҷумҳурии Тоҷикистон таҷлил карда шуд
Сафири Тоҷикистон бо сардабири маҷаллаи фарҳангии «Ал-Арабӣ»-и Кувайт вохӯрӣ намуд
Дар Москва Рӯзи Президенти Ҷумҳурии Тоҷикистон таҷлил карда шуд






