ДАРАХТ БИНШОН! Дар ноҳияи Ховалинг боғҳои нав бунёд мегарданд
ХОВАЛИНГ, 09.03.2019 /АМИТ «Ховар»/. Имрӯзҳо дар шаҳру ноҳияҳои вилояти Хатлон дар доираи иҷрои «Барномаи рушди соҳаи боғу токпарварӣ барои солҳои 2016-2020» ва вусъат бахшидан ба корҳои ниҳолшинонӣ дар ноҳияҳои иқлимашон мусоид корҳои ниҳолшинонӣ бомаром идома доранд.
Абдусаид Саидов дар мавзеи Ҳалқаёри Ҷамоати деҳоти Лоҳутии ноҳияи Ховалинг давоми фаъолияташ даҳҳо гектар боғ бунёд кардааст ва ҳоло низ бо ҳамдеҳагон дар шинонидани ниҳолҳо кумак мерасонад. Ин мавзеъ дар қисмати ҷанубии ноҳияи Ховалинг ҷойгир шуда, сокинон ба васеъ намудани майдони боғу токзор камар бастаанд.
Тавре Абдусаид Саидов ба хабарнигори АМИТ «Ховар» иттилоъ дод, ҳамасола дар ноҳияи мазкур майдони боғҳо васеъ карда мешавад. Хоҷагиҳои деҳконию инфиродӣ дар талу теппаҳо даҳҳо гектар боғҳои нав бунёд намуда, дарахтони гуногуни мевадиҳандаи ба шароити иқлими минтақа мусоид мешинонанд.
Ба андешаи мутахассисони соҳаи боғу ток, дар мавзеи Ҳалқаёр дарахтон хуб нашъунамо мекунанд ва ҳосили фаровон ба бор меоранд. Аз ин рӯ хоҷагиҳои деҳконӣ бо маслиҳати мутахассисони соҳа бештар боғ бунёд карда истодаанд. Деҳқонон баробари бунёди боғҳо бо истифода аз рӯзҳои офтобӣ кишту кори баҳориро низ вусъат бахшида истодаанд.
Кормандони Ҳизби Халқии Демократии Тоҷикистон ҳашари ниҳолшинонӣ доир намуданд
Дар вилояти Суғд майдони боғоти мевадиҳанда васеъ мегардад
ДАРАХТ БИНШОН! Дар вилояти Суғд 750 бех ниҳол шинонида шуд
ДАРАХТ БИНШОН! Кормандони Вазорати энергетика ва захираҳои оби ҷумҳурӣ 300 бех ниҳоли санавбар ва сӯзанбарг шинониданд
ДУШАНБЕ – ШАҲРИ ГУЛИ САДБАРГ. Парвариши ин гул хароҷоти зиёд талаб накарда, аз аввали баҳор то барфрезиҳо шукуфон боқӣ мемонад
ДАРАХТ БИНШОН! Дар Хуҷанд беш аз 200 бех дарахти магнолия шинонида шуд
«ТОҶИКИСТОНИ САБЗ». Дар Душанбе 500 бех ниҳоли сӯзанбарг шинонида шуд
«КИШВАРИ САБЗ». Дар ин парваришгоҳ зиёда аз 100 намуди гулу буттаҳои нодир ва 40 намуди ниҳоли дарахтони ороишӣ парвариш мешавад
Пешвои миллат Эмомалӣ Раҳмон аз парваришгоҳи «Кишвари сабз» боздид намуданд
ЧАРО БАЪЗЕ АЗ НИҲОЛҲОИ ШИНОНИДАШУДА ХУШК МЕГАРДАНД? Ва ё барои пешгирии ин ҳолат чӣ бояд кард?
ДАРАХТ БИНШОН! Дар Ҳисор 400 ҳазор бех ниҳоли ороишӣ, ҳамешасабз ва мевадиҳандаю сояафкан шинонида мешавад
ДАРАХТ БИНШОН! Дар шаҳри Хуҷанд ниҳолшинонӣ вусъат меёбад
