Гӯшаи сайёҳии Тоҷикистон дар Намоишгоҳи байналмилалии сайёҳии «MITT-2019» муаррифӣ мегардад
ДУШАНБЕ, 12.03.2019. /АМИТ «Ховар»/. Дар партави дастгириҳои пайвастаи соҳаи сайёҳӣ аз ҷониби Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Ҳукумати мамлакат гушаи сайёҳии Тоҷикистон таҳти сарпарастии Президенти Федератсияи футболи Тоҷикистон Рустами Эмомалӣ бо мақсади ҷалби сайёҳони хориҷӣ дар Намоишгоҳи байналмилалии сайёҳии «MITT- 2019», ки аз 12 то 14 марти соли 2019 дар “Экспоцентр” — и шаҳри Москваи Федератсияи Россия баргузор мегардад, ташкил гардида, имкониятҳои сайёҳии кишвар муаррифӣ карда мешаваад. Дар ин бора ба АМИТ «Ховар» аз Кумитаи рушди сайёҳӣ хабар доданд.
Бояд гуфт, ки Федератсияи Россия дар қатори кишварҳои даҳгона аз лиҳози ташрифи сайёҳон ба Ҷумҳурии Тоҷикистон ба маҳсуб меёбад.
Имсол дар Намоишгоҳи мазкур намояндагони Кумитаи рушди сайёҳӣ, Ассотсиатсияи Эко-фарҳангии Помир, Ассотсиатсияи тараққиёти туризми Зарафшон, ширкатҳои сайёҳии ҶДММ «Роҳат тур», ҶДММ «Ориент Адвентур», ҶДММ «Помир треккинг» ва ҶДММ «Симот» ширкат меварзанд.
Дар гӯшаи сайёҳии кишвар бартарияти рақобатнокии Тоҷикистон, аз ҷумла иқтидори бойи табиӣ, сайёҳии табобатию солимгардонӣ ва имкониятҳои машғулият бо намудҳои туризми варзишию кӯҳнавардӣ, фарҳанги нодир ва тамаддуни қадима инъикос гардидаанд.
Иштироки ширкатҳои сайёҳӣ дар намоишгоҳҳои сайёҳӣ дар хориҷи кишвар яке аз роҳҳои самараноки ҷалби сайёҳони хориҷӣ ба ҷумҳурӣ ба шумор рафта, ба васеъ гаштани ҳамкориҳои ширкатҳои сайёҳии ҷумҳурӣ бо ширкатҳои сайёҳии давлатҳои аз ҷиҳати сайёҳӣ пешрафта заминаҳои мусоид фароҳам меорад.
Ҳамчунин, дар ҳошияи Намоишгоҳ 15 марти соли 2019 Форуми байналмилалии иқтисодии давлатҳои иштирокчии аъзои ИДМ таҳти унвони «ИДМ: иқтисоди рақамӣ — платформаи ҳамгироӣ» баргузор мегардад, ки дар он мавзӯи «Иқтисоди рақамӣ дар сайёҳӣ: ИДМ +Ҷаҳон» мавриди баррасӣ қарор дода мешавад.
Мавриди зикр аст, ки дар Намоишгоҳи байналмилалии сайёҳии «MITT-Москва» зиёда аз 1799 ширкатҳои сайёҳӣ аз наздики 200 мамлакатҳои олам имкониятҳои сайёҳии худро муаррифӣ намуда, байни намоишгоҳҳои муҳими байналилалии сайёҳӣ дар ҷаҳон мақоми панҷумро ишғол менамояд.
Имкониятҳои сайёҳии Тоҷикистон дар намоишгоҳи байналмилалии «World Travel Market – 2025» муаррифӣ мегарданд
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
Имсол беш аз 30 ҳазор сайёҳон бо мавзеъҳои таърихии ноҳияи Восеъ шинос гардиданд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
«САЙРИ МЕҲРГОН». Дар доираи ин хатсайр меҳмонони хориҷӣ бо таъриху суннатҳои ин ҷашни бостонӣ шинос шуданд
«САЙРИ МЕҲРГОН». Дар Душанбе ба макони таҷлили ин ҷашн хатсайри сайёҳии ройгон ташкил карда мешавад
