Суҳбати телефонии Президенти Ҷумҳурии Тоҷикистон Эмомалӣ Раҳмон бо Нурсултон Назарбоев
ДУШАНБЕ, 20.03.2019 /АМИТ «Ховар»/. Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон Эмомалӣ Раҳмон бо Нурсултон Назарбоев, ки аз мансаби Президенти Ҷумҳурии Қазоқистон ба истеъфо рафт, суҳбати телефонӣ анҷом доданд.
Президенти Ҷумҳурии Тоҷикистон бо камоли самимият сипоси хешро ба Нурсултон Назарбоев барои ҳамкории самараноки чандинсола иброз намуда, аз он изҳори қаноатмандӣ карданд, ки пешвои Қазоқистон фаъолияти созандаи худро дар арсаи сиёсат ба нафъи мардуми бародари Қазоқистон ва тамоми минақа идома хоҳад дод.
Сарвари давлати Тоҷикистон саҳми Нурсултон Назарбоевро дар раванди ба роҳ мондану густариш додани муносибатҳои дӯстӣ ва ҳамкориҳои гуногунҷанбаи Тоҷикистон ва Қазоқистон баланд арзёбӣ намуданд.
“Ба туфайли сиёсати хирадмандона ва дурандешонаи Шумо муносибатҳои байнидавлатии мо ҳамеша дар ҷараёни рушди босуръат қарор доштанд ва хурсандибахш аст, ки ҳамкориҳои мо имрӯз ба сатҳи шарикии стратегӣ расидаанд”,-таъкид карданд Президенти Тоҷикистон.
Президенти Ҷумҳурии Тоҷикистон омодагии ин ҷонибро ҷиҳати идомаи ҳамкории минбаъда бо ӯ дар чунин рӯҳияи созандагӣ иброз доштанд.
Эмомалӣ Раҳмон ҳамчунин қайд намуданд, ки аз дидори Нурсултон Назарбоев — дӯсти боэътимоду бародари худ — дар Тоҷикистон ҳамеша хушнуд хоҳанд буд.
Ҷаласаи Шурои сарони давлатҳои иштирокдори Иттиҳоди Давлатҳои Мустақил баргузор гардид
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Беларус Александр Лукашенко мулоқот намуданд
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Озарбойҷон Илҳом Алиев мулоқот намуданд
Президенти Ҷумҳурии Тоҷикистон Эмомалӣ Раҳмон бо Сарвазири Ҷумҳурии Арманистон Никол Пашинян мулоқот намуданд
Шоми Дӯстӣ дар шаҳри Душанбе бо иштироки сарони кишварҳои Иттиҳоди Давлатҳои Мустақил
Таҳти раёсати Президенти Ҷумҳурии Тоҷикистон Эмомалӣ Раҳмон Ҳамоиши «Осиёи Марказӣ-Русия» баргузор гардид
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Узбекистон Шавкат Мирзиёев мулоқот намуданд
Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов мулоқот намуданд
Президенти Ҷумҳурии Тоҷикистон бо Президенти Ҷумҳурии Қирғизистон Садир Жапаров мулоқот намуданд
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Қазоқистон Қосим-Жомарт Токаев мулоқот намуданд
Изҳороти матбуотии Президенти Ҷумҳурии Тоҷикистон Эмомалӣ Раҳмон аз рӯйи натиҷаҳои музокирот бо Президенти Федератсияи Русия Владимир Путин
Нишасти матбуотии сарони давлатҳои Тоҷикистону Русия
