Бахшида ба Рӯзи пойтахт хонандагон аз Осорхонаи миллии Тоҷикистон боздид намуданд
ДУШАНБЕ, 16.04.2019 /АМИТ «Ховар»/. Ҳамасола дар ҷумҳурӣ шанбеи 3-юми моҳи апрел Рӯзи пойтахт ҷашн гирифта мешавад. Бахшида ба ин рӯз 80 нафар тарбиятгирандагон ва хонандагон аз нигораҳои Осорхонаи миллии Тоҷикистон дидан намуданд.
Тавре ба АМИТ «Ховар» сардори шуъбаи экскурсионӣ ва оммавии Осорхонаи миллии Тоҷикистон Фариддун Кенҷаев хабар дод, имрӯз тибқи нақшаи мақомоти иҷроияи ҳокимияти давлатии шаҳри Душанбе бахшида ба Рӯзи пойтахт 80 нафар иштирокчиён аз нигораҳои Осорхонаи миллии Тоҷикистон дидан намуданд. Аз ҷониби роҳбаладони Осорхона сайрҳои осорхонавӣ (экскурсияҳо) ташкил карда шуда, онҳо бо таърих, фарҳанг, маданият ва дастовардҳои даврони соҳибистиқлолии кишвар шинос гардонида шуданд.
Дар интиҳои тамошо иштирокчиён аз боздиди толорҳои намоишии шуъбаҳои табиат, таърихи бостон ва асрҳои миёна, таърихи нав ва навтарин, санъати тасвирӣ ва амалии Осорхонаи миллии Тоҷикистон изҳори хушҳолӣ намуданд.
Бояд зикр намуд, ки ин ташаббус дар самти муаррифии маконҳои сайёҳиву фарҳангии шаҳри Душанбе иқдоми нек маҳсуб мешавад.
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Имрӯз дар водиҳои Тоҷикистон ҳаво то 26 дараҷа гарм мешавад
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
