ДАЪВАТИ БАҲОРИИ НАВАСКАРОН. Раиси ВМКБ Ёдгор Файзов: «Ҳамхизмат ҳаргиз аз ёд фаромӯш намешавад»
ХОРУҒ, 03.04.2019 /АМИТ «Ховар»/. Бахшида ба оғози маъракаи даъвати баҳорӣ дар майдони ба номи Исмоили Сомонии шаҳри Хоруғи Вилояти Мухтори Кӯҳистони Бадахшон бо ширкати намояндагони мақомоти иҷроияи ҳокимияти давлатии вилоят, комиссариати ҳарбӣ, наврасону ҷавонон ва волидони даъватшавандагон маросими бошукӯҳи гусели наваскарон ба хизмати Модар-Ватан баргузор гардид.
Раиси вилоят Ёдгор Файзов дасти ҳар як наваскарро фишурда, аз онҳо даъват намуд, ки ба Ватан содиқонаву софдилона хизмат кунанд ва бо сари баланд ба назди волидони худ баргарданд. «Хизмати аскарӣ на танҳо мактаби далерию мардонагӣ, балки имтиҳони дӯстию бародарӣ аст. Баъзан ҳатто ҳамсинфонро, ки даҳ сол дар як синфхона бо онҳо таҳсил мекунӣ, фаромӯш месозӣ, аммо ҳамхизмат ҳаргиз аз ёд фаромӯш намешавад. Дар чанд соли охир бо дастури Пешвои миллат танҳо дар қаламрави вилоят даҳҳо иншооти таъйиноти низомӣ бунёд ва навсозӣ шуданд. Сарбозон аз хобгоҳҳои гарму барҳаво, толори хониш, ошхона ва майдончаҳо барои бозиҳои варзишию ҳарбӣ бархурдор мебошанд. Барои пешрафти шароити минбаъдаи моддию техникии ҷузву томҳои неруҳои низомии кишвар заминаи устувор гузошта шуд»,-иброз дошт Ёдгор Файзов.
Раиси вилоят изҳор намуд, ки баъди чанд моҳ ҳамроҳ бо волидон аз ҳолашон хабар хоҳанд гирифт.
Корманди комиссариати ҳарбии вилоят Орифхон Раҳмондодов гуфт, ки «дар рӯзи аввали даъвати баҳорӣ мо 65 нафар ҷавононро баъди муоинаи комили тиббӣ ба хизмати Ватан гусел намудем. Ноҳияҳои Дарвозу Мурғоб чун анъана дар рӯзи аввал нақшаи даъвати баҳориро иҷро намуданд. Умедворем, ки дар рӯзҳои боқимонда дигар ноҳияҳои вилоят ҳам пай дар пай аз иҷрои нақшаи даъвати баҳорӣ гузориш хоҳанд дод».
Бонувони шаҳри Хоруғ наваскаронро аз майдони ба номи Исмоили Сомонӣ бо садои даф гусел карданд, то сиҳату саломат ба қисмҳои низомии худ расанд.
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
Бо пешниҳоди Тоҷикистон 14 қатъномаи Маҷмаи Умумии СММ оид ба масъалаҳои обу иқлим қабул гардид
