Президенти мамлакат Эмомалӣ Раҳмон аз гӯшаи Тоҷикистон дар Намоишгоҳи байналмилалии боғдории Пекин «Экспо 2019» дидан намуданд

Апрель 28, 2019 17:47

ДУШАНБЕ, 28.04.2019. /АМИТ «Ховар»/. 28 апрел Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи сафари корӣ дар Ҷумҳурии Мардумии Чин дар ноҳияи Янчин Намоишгоҳи байналмилалии боғдории Пекин «Экспо-2019»-ро тамошо карданд.

Нахуст Сарвари давлат муҳтарам Эмомалӣ Раҳмон бо намояндагони кишвари Чин аз гӯшаи Тоҷикистон таҳти унвони «Боғдорӣ ва рушди деҳот», ки дар намоишгоҳ бо фарогирии масоҳати 100 метри мураббаъ мақоми хосае дошт, боздид ба амал оварданд.

Дар ин ҷо бо дастуру супоришҳои Президенти мамлакат ба хотири муаррифии арзандаи неъматҳои моддию маънавии ҷумҳурӣ намояндагони сохторҳои марбутаи соҳаи боғдорӣ, тиҷорату сайёҳат ва ширкатҳои ватанӣ номгӯйи зиёди молу маҳсулоти истеҳсоли Тоҷикистон ва маводи имкониятҳои сайёҳии кишвари офтобиро ба маъраз гузоштанд.

Дар маркази гӯшаи намоишгоҳи Тоҷикистон акси қуллаи баландтарини Исмоили Сомонӣ бо баландии 7495 метр намоён аст.

Тарҳи НБО нишони захираҳои бузурги гидроэнергетикии кишвари мо мебошад.

Тоҷикистон яке аз давлатҳои асосии содироткунандаи меваҳои хушк мебошад ва маҳсулоти ин навъи неъматҳо дар намоишгоҳ мавқеи хос дошт. Меваҳои хушки кишвар бо тозагии экологӣ, тамъи нотакрор дар ҷаҳон машҳур аст ва харидорони худро дорад.

Дар намоишгоҳ намудҳои гуногуни обҳои ташнашикани корхонаҳои ҷумҳурӣ, аз қабили «Оби зулол», «Зода», «Субҳи Ватан» ва «Комбинати хӯроквории Бохтар» пешкаш карда шуд.

Маҳсулоти боғдорӣ аз қабили меваҳои тозаву чормағз аз тарафи Вазорати кишоварзӣ, Вазорати саноат ва технологияҳои нав, КВД Хӯрокворӣ, Агентии хоҷагии ҷангали ҷумҳурӣ, Палатаи саноат ва савдо, Корхонаи Асали тоҷик, Интермед, Абрикос компания, Оро Исфара, Баракати Исфара, Исфарафрут, Меваи Канд Экофрут Исфара, Аввалин, ширкати Амирӣ ва Корхонаи Ширин, ба маъраз гузошта шуда буд.

Ҳамчунин дар намоишгоҳ туҳфаҳо аз сангҳои нимқимматбаҳои корхонаҳои Рухом ва Асрори Санг намоиш дода шуд.

Гӯшаи Тоҷикистон аз рӯи хусусиятҳои хоси табиати кишвар — куҳҳо, обҳои мусаффо, имкониятҳои сайёҳӣ ва иншооти таърихӣ сохта шудааст.

Хонаи асал, катҳои чӯбини кандакоришуда, боғҳои ангур, курпаву курпачаҳои миллӣ, қолинҳо ва дигар кашидадӯзиҳои тоҷикӣ диққати сайёҳонро бештар ба худ ҷалб мекунад.

Сарвари давлат муҳтарам Эмомалӣ Раҳмон баъди тамошои гӯшаи Тоҷикистон дар намоишгоҳи Пекин ба намояндагони корхонаҳои кишвар ва шахсони масъули вазорату идораҳои марбутаи мамлакат баҳои баланд дода, барои ин иқдомашон изҳори сипос карданд.

Боздид аз Намоишгоҳи байналмилалии боғдории Пекин “Экспо 2019” 28.04.2019

Апрель 28, 2019 17:47

Хабарҳои дигари ин бахш

Пешвои миллат Эмомалӣ Раҳмон пас аз анҷоми сафари корӣ дар Вилояти Мухтори Кӯҳистони Бадахшон ба шаҳри Душанбе баргаштанд
Президенти Ҷумҳурии Тоҷикистон Эмомалӣ Раҳмон бо роҳбарон ва фаъолони Вилояти Мухтори Кӯҳистони Бадахшон мулоқот намуданд
Суханронии Президенти Ҷумҳурии Тоҷикистон, Пешвои миллат Эмомалӣ Раҳмон дар мулоқот бо роҳбарон ва фаъолони Вилояти Мухтори Кӯҳистони Бадахшон
Президенти Ҷумҳурии Тоҷикистон Эмомалӣ Раҳмон дар шаҳри Хоруғ дар тантанаҳои идона ба ифтихори 28-солагии Рӯзи ваҳдати миллӣ иштирок намуданд
Суханронии Президенти Ҷумҳурии Тоҷикистон, Пешвои миллат Эмомалӣ Раҳмон ба ифтихори 28-солагии Рӯзи ваҳдати миллӣ
Сарвари давлат Эмомалӣ Раҳмон дар шаҳри Хоруғ бинои нави истиқоматии 5-ошёна барои хизматчиёни давлатиро мавриди истифода қарор доданд
Эмомалӣ Раҳмон: «Қаҳрамонони сулҳу субот ва ваҳдати миллӣ танҳо мардуми шарифу сарбаланди Тоҷикистон мебошанд»
Пешвои миллат Эмомалӣ Раҳмон дар ҳудуди Парки технологии шаҳри Хоруғ коргоҳҳои истеҳсолии маҳсулоти гӯштӣ ва обҳои табиии ташнашиканро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бо лоиҳаҳои биноҳои истиқоматӣ бо маркази хизматрасонию тиҷоратӣ, таваққуфгоҳи нақлиётӣ, меҳмонхона ва майдончаи варзишии кӯдакон шинос шуданд
Сарвари давлат Эмомалӣ Раҳмон дар шаҳри Хоруғ китобхонаи кӯдаконаи вилоятӣ, китобхонаи шаҳрии ба номи Ҳофизи Шерозӣ ва Маркази рушди зеҳни сунъиро ифтитоҳ намуданд
Пешвои миллат Эмомалӣ Раҳмон дар шаҳри Хоруғ Маркази фарҳангӣ, савдо ва Шурои иттифоқҳои касабаи вилоятро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ чойхонаи Хатлонро ба истифода доданд