Тоҷикистон ва Россия Конференсияи ҳафтуми ҳамкории байниминтақавиро доир менамоянд
ДУШАНБЕ, 15.04.2019. /АМИТ «Ховар»/. 16 ва 17 апрели соли равон дар шаҳри Москва Конференсияи ҳафтуми ҳамкории байниминтақавии Россия ва Тоҷикистон доир мегардад. Дар ин бора хабарнигори АМИТ «Ховар» иттилоъ медиҳад.
Конфренсияи мазкур дар доираи сафари расмии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Федератсияи Россия бо мақсади вусъат додани ҳамкории амалӣ миёни минтақаҳо, соҳибкорон ва ташкилотҳои Тоҷикистону Россия гузаронида мешавад.
Ташкилкунандагони конференсия Вазорати рушди иқтисоди Россия ва Вазорати рушди иқтисод ва савдои Тоҷикистон бо дастгирии фонди “Росконгресс” мебошанд.
Дар доираи конфренсияи мазкур баргузории як зумра форумҳо ва суҳбатҳои “мизи гирд” бо фарогирии мавзӯъҳои муҳими самтҳои калидии ҳамкории Тоҷикистон ва Россия дар назар аст. Аз ҷумла, Форуми ҷавонони Россияву Тоҷикистон таҳти унвони «Роҳҳои умумӣ барои иқтисодиёти оянда» бо фарогирии муҳокимаи мавзӯъҳои марбут ба ҳамкории ҷавонон, сайёҳӣ ва соҳибкории ҷавонон, суҳбатҳои “мизи гирд” зери унвонҳои «Ҳамкорӣ дар соҳаҳои кишоварзӣ, логистика, саноат, сармоягузорӣ ва тиҷорат» ва «Ҳамкорӣ дар соҳаҳои маориф ва фарҳанг» баргузор хоҳанд шуд.
Ба ҳамкорӣ дар соҳаи маориф ва фарҳанг таваҷҷуҳи махсус зоҳир карда мешавад. Дар кори “мизҳои гирд” намояндагони Вазорати маорифпарварии Федератсияи Россия, Вазорати маориф ва илми Ҷумҳурии Тоҷикистон, Вазорати фарҳанги Ҷумҳурии Тоҷикистон ва ректорони донишгоҳҳои Россия иштирок хоҳанд кард.
Дар фарҷоми Форуми ҷавонони Россияву Тоҷикистон «Роҳҳои умумӣ барои иқтисодиёти оянда» Ёддошти ҳусни тафоҳум миёни Кумитаи ҷавонон ва варзиши назди Ҳукумати Ҷумҳурии Тоҷикистон ва Агентии федералӣ оид ба кор бо ҷавонони Федератсияи Россия ва Созишнома дар бораи вусъат додани ҳамкорӣ дар самти ҳамкории байналмилалии ҷавонон миёни Ташкилоти ҷамъиятии «Иттифоқи ҷавонони Тоҷикистон» ва Ташкилоти ҷамъиятии умумироссиягии «Иитифоқи ҷавонони Россия» ба имзо расонида мешаванд.
Ҷаласаи пленарӣ бо иштироки намояндагони вазоратҳои рушди иқтисоди ҳарду кишвар аз чорабиниҳои муҳими ин конференсия хоҳад буд. Пас аз анҷоми ҷаласаи пленарӣ як зумра созишномаҳои дуҷониба ва ёддоштҳои тафоҳуми ҳамкорӣ миёни Тоҷикистону Россия имзо хоҳанд шуд.
Интизор меравад, ки дар Конференсияи ҳафтуми ҳамкории байниминтақавии Россия ва Тоҷикистон намояндагони баландпояи ду кишвар, доираҳои соҳибкорӣ, фаъолони ҷамъиятӣ ва коршиносон иштирок варзанд.
Ёдовар мешавем, ки Конференсияи шашуми ҳамкории байниминтақавии Тоҷикистону Россия 29 майи соли 2018 дар шаҳри Душанбе доир гардида буд.
ДАР АКС: Конференсияи шашуми ҳамкории байниминтақавии Тоҷикистону Россия, 29 майи соли 2018, ш. Душанбе
Толори «Ташаббусҳои ҷаҳонии Ҷумҳурии Тоҷикистон дар соҳаи об ва ҳифзи пиряхҳо»-ро роҳбаладон бо 8 забон шарҳ медиҳанд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Дар Душанбе Форуми «Занон дар ҳифзи пиряхҳо» баргузор мегардад
КОНФРОНСИ БАЙНАЛМИЛАЛӢ ОИД БА ҲИФЗИ ПИРЯХҲО. Дар Душанбе форумҳои пешазконфронсӣ ва чорабиниҳои канорӣ доир карда мешаванд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Толорҳои Китобхонаи миллӣ барои баргузории чорабиниҳои канорӣ омода мебошанд
Вайрон намудани қоида ва меъёрҳои истифодаи қувваи барқ ҷиноят аст
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
