БА ИФТИХОРИ РӮЗИ ҶАВОНОНИ ТОҶИКИСТОН. Дар шаҳри Хуҷанд мусобиқаҳои гуногуни варзишӣ доир мегарданд

ДУШАНБЕ, 13.05.2019. /АМИТ «Ховар»/.  Бо ташаббуси роҳбарияти вилояти Суғд дар доираи барномаҳои марбут ба Рӯзи ҷавонони Тоҷикистон ва як моҳи ҷавонӣ дар шаҳру ноҳияҳо барои дарёфти Ҷоми Раиси вилояти Суғд мусобиқаҳои гуногуни варзишӣ гузаронида мешаванд.

Тавре аз хадамоти матбуоти  Раиси вилояти Суғд ба мухбири АМИТ «Ховар» хабар доданд, мусобиқаҳои варзишӣ аз рӯи намудҳои тенниси рӯи миз, футбол, шоҳмот, бокс, гӯштини камарбандӣ, гӯштини миллӣ, гӯштини тарзи озод, волейбол, камонварӣ, дастхобонӣ, велосипедронӣ, баскетбол, шиноварӣ, тирпаронӣ ва картинг доир хоҳанд шуд.

Барои ҳавасманд гардонидани варзишгарон, гирандагони ҷойҳои ифтихорӣ ва Ҷоми Раиси вилояти Суғд аз рӯи 15 навъи мусобиқаҳо 500 ҳазор сомонӣ масраф карда мешавад.