Барқияи табрикии Президенти Ҷумҳурии Тоҷикистон ба Сарвазири Ҷумҳурии Ҳиндустон Нарендра Модӣ
ДУШАНБЕ, 24.05.2019 /АМИТ «Ховар»/. Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон Эмомалӣ Раҳмон ба Сарвазири Ҷумҳурии Ҳиндустон Нарендра Модӣ барқияи табрикӣ фиристоданд, ки дар он омадааст:
«Ҷаноби Олӣ,
Лутфан табрикоти самимии моро ба муносибати пирӯзии ҳизбатон дар интихоботи сартосарии парлумонии Ҳиндустон бипазиред.
Тайи солҳои охир мо шоҳиди онем, ки Ҳиндустон таҳти роҳбарии Шумо дар роҳи расидан ба ҳадафи наҷибонаи дастёбӣ ба мақоми пешвоӣ дар соҳаи рушди устувори иқтисодиву иҷтимоӣ собитқадамона пеш рафта, ба комёбиҳои назаррас ноил гардида истодааст. Ҳамзамон Ҳиндустон дар арсаи байналмилалӣ мақому манзалати хоссаро пайдо карда, имрӯзҳо дар ҳалли масъалаҳои умдаи глобалӣ иштироки фаъол дорад.
Ҷониби Тоҷикистон умед ба он дорад, ки Шумо, Ҷаноби Олӣ, ба ҳайси Сарвазири Ҳиндустон дар оянда низ саъю кӯшишҳои худро ҷиҳати рушду таҳкими муносибатҳои дӯстӣ ва ҳамкориҳои гуногунҷанбаи байни ду кишвари ба ҳам дӯсти мо дареғ нахоҳед дошт.
Бо ибрози омодагӣ ба идомаи раванди муколамаи созандаи ҷонибҳо дар ҳамаи сатҳҳо ба манзури таҳкими ҳамдастиву эътимоди сиёсии миёни ду давлат изҳори итминон менамоям, ки мо бо талошҳои муштарак ҳамёрии кишварҳоямонро дар соҳаҳои мавриди таваҷҷуҳи тарафайн ба зинаҳои боз ҳам баландтар хоҳем баровард.
Аз фурсати нек истифода бурда, ба Шумо саломатии комилу саодат ва дар роҳи таъмини рифоҳу шукуфоии ҷомеаи Ҳиндустон комёбиҳои рӯзафзун орзумандам».
Пешвои миллат Эмомалӣ Раҳмон дар ноҳияи Исмоили Сомонии шаҳри Душанбе Муассисаи давлатии томактабии рақами 59-ро ифтитоҳ намуданд
Сарвари давлат Эмомалӣ Раҳмон дар ноҳияи Синои шаҳри Душанбе биноҳои нави Донишкадаи исломии Тоҷикистон ба номи Имоми Аъзам — Абӯҳанифа Нӯъмон ибни Собитро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар ноҳияи Фирдавсӣ бинои нави Беморхонаи клиникии шаҳрии бемориҳои заҳролудшавӣ ва осебҳои сӯхтаро ифтитоҳ намуданд
Пешвои миллат Эмомалӣ Раҳмон дар ноҳияи Шоҳмансури шаҳри Душанбе Муассисаи таҳсилоти миёнаи умумии №4-ро ба истифода доданд
Оғози тақсими “Шоҳнома”-и безаволи Ҳаким Абулқосим Фирдавсӣ
Сарвари давлат Эмомалӣ Раҳмон бинои нави Раёсати Вазорати корҳои дохилии Ҷумҳурии Тоҷикистон дар шаҳри Душанберо мавриди истифода қарор доданд
Пешвои миллат Эмомалӣ Раҳмон бинои нави Дастаи алоҳидаи таъйиноти махсуси милитсия «Шоҳин»-и Раёсати Вазорати корҳои дохилӣ дар шаҳри Душанберо ифтитоҳ намуданд
Президенти Ҷумҳурии Тоҷикистон Эмомалӣ Раҳмон ба Президент ва Сарвазири Ҷумҳурии Исломии Покистон барқияи изҳори тасаллӣ ирсол намуданд
Президенти Ҷумҳурии Тоҷикистон Эмомалӣ Раҳмон бо Президенти Федератсияи Русия Владимир Путин суҳбати телефонӣ анҷом доданд
Боздиди кории Пешвои миллат Эмомалӣ Раҳмон аз шаҳри Турсунзода
Президенти Ҷумҳурии Тоҷикистон Эмомалӣ Раҳмон Муассисаи таҳсилоти миёнаи умумии №129-ро дар маҳаллаи Сомони ноҳияи Фирдавсӣ ифтитоҳ намуданд
Сарвари давлат Эмомалӣ Раҳмон дар ноҳияи Синои шаҳри Душанбе марҳилаи дуюми муассисаи таълимии хусусии «Ҳоризон»-ро ифтитоҳ намуданд
