«Noble Group» ва «Deutsch Bank» хостори тавсеаи ҳамкорӣ бо Тоҷикистон мебошанд
ДУШАНБЕ, 15.05.2019/АМИТ «Ховар»/. Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Фаррух Ҳамрализода дар Душанбе бо намояндагони ширкатҳои сармоягузори байналмилалии хориҷӣ, назири директори минтақавии Ширкати байналмилалии «Noble Group» Луи Фел, роҳбари департаменти қарздиҳии Бонки «Deutsch Bank» Алекс Махлер мулоқот анҷом дод. Зимни мулоқот масоили марбут ба тавсеаи ҳамкории Тоҷикистон бо ширкатҳои болозикр матраҳ гардид.
Аз Кумитаи давлатии сармоягузорӣ ва идораи амволи давлатии Ҷумҳурии Тоҷикистон ба АМИТ «Ховар» иттилоъ доданд, ки дар ҷараёни вохӯрӣ имкониятҳои сармоягузории Тоҷикистон, самтҳои афзалиятноки рушди иқтисодӣ ва имтиёзҳои андозиву гумрукӣ ба намояндагони ширкатҳои сармоягузории хориҷӣ муаррифӣ гардиданд.
Тибқи иттилои манбаъ, намояндагони Ширкати байналмилалии «Noble Group» ва Бонки «Deutsch Bank» ҷиҳати маблағгузории лоиҳаҳои сармоягузорӣ дар самтҳои афзалиятноки иқтисодӣ дар ҳамкорӣ бо шарикони рушд изҳори ҳавасмандӣ намуданд.
Дар анҷоми вохӯрӣ ба намояндагони ширкатҳои сармоягузории хориҷӣ маҷмӯи маводи имкониятҳои сармоягузории Тоҷикистон ва фитта оид ба лоиҳаҳои афзалиятноки сармоягузорӣ тақдим гардид.
Мусаллам аст, ки Ширкати байналмилалии «Noble Group» яке аз ширкатҳои пешрафтаи таъминкунандаи маҳсулоти энергетикӣ ва ашёи хоми саноатӣ дар минтақаи Осиё маҳсуб ёфта, зарфи 12 сол бо Ширкати Алюминийи Тоҷик «ТАЛКО» ҳамкорӣ дорад.
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
